قازاقستان رەسپۋبليكاسىنىڭ ۇلتتىق بانكى «سپورت» سەرياسىنان «OLYMPIC GAMES 2026. SHORT TRACK» اتتى كوللەكسيالىق مونەتالارىن اينالىسقا شىعارعانىن جاريالادى، - دەپ حابارلايدى Aqshamnews.kz.
1000 تەڭگە نومينالى بار مونەتا 925 سىنامالى كۇمىستەن جاسالعان، ءتۇستى باسىپ شىعارۋ تەحنولوگياسى قولدانىلعان جانە proof ساپاسىندا ورىندالعان. مونەتانىڭ ماسساسى - 20 گرامم، ديامەترى - 37 مم. جالپى دايىنداۋ تارالىمى شەكتەۋلى - 2000 دانا.
كوللەكسيالىق مونەتالار قازاقستان تەڭگە سارايىندا دايىندالىپ، نەمىستىڭ MDM Münzhandelsgesellschaft mbH & Co. KG Deutsche Münze (MDM) نۋميزماتيكا كومپانياسىمەن سەرىكتەستىك نەگىزدە ازىرلەندى.
مونەتالاردى قاشان ساتۋعا شىعارىلاتىنى تۋرالى اقپارات ۇلتتىق بانكتىڭ رەسمي سايتىندا قوسىمشا حابارلانادى.
سونىمەن قاتار كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا ءوزىنىڭ بەلگىلەنگەن قۇنىمەن تولەمدەردىڭ بارلىق ءتۇرى بويىنشا قابىلدانۋعا، سونداي-اق ەلدىڭ بارلىق بانكىندە بانك شوتتارىنا ەسەپكە الۋعا جانە اۋدارۋعا، ۇساقتاۋعا جانە ايىرباستاۋعا جاتادى.