بۇل دارىلەر جۇلىن بۇلشىق ەت اتروفياسى بار بالالاردى ەمدەۋگە ارنالعان.
«قازاقستان حالقىنا» قوعامدىق قورى العاشقى قايىرىمدىلىق جوبالارىن قارجىلاندىرۋدى باستادى، دەپ حابارلايدى Almaty-akshamy.kz
«ساراپتاما كوميتەتىنىڭ شەشىمىمەن قور رەابيليتولوگ-نۇسقاۋشىلاردى وقىتۋ جانە الەمدەگى ەڭ قىمبات Zolgensma ءدارىسىن ساتىپ الۋ بويىنشا «تۇساۋكەسەر» جوباسىن قارجىلاندىرادى»، - دەلىنگەن حابارلامادا.
«تۇساۋكەسەر» جوباسى قازاقستان وڭىرلەرىندەگى دەنە شىنىقتىرۋ-ساۋىقتىرۋ كلۋبتارىن قولداۋعا باعىتتالعان، وندا مەنتالدى جانە دەنە كەمىستىگى بار بالالار بىلىكتى مامانداردىڭ باقىلاۋىمەن ارنايى ادىستەمە بويىنشا سپورتپەن شۇعىلدانا الادى. جوبا ەلىمىزدىڭ ءتورت وڭىرىندە نۇسقاۋشى-رەابيليتولوگتاردى وقىتۋدى كوزدەيدى.
سونداي-اق، قور سيرەك كەزدەسەتىن (ورفاندىق) ومىرگە ءقاۋىپ توندىرەتىن جانە سوزىلمالى اۋرۋلارى بار بالالارعا اتاۋلى كومەك كورسەتۋ تۋرالى شەشىم قابىلدادى.
ق ر دەنساۋلىق ساقتاۋ مينيسترلىگىنىڭ دەرەكتەرى بويىنشا، سوڭعى بەس جىلدا ورفاندىق اۋرۋلارى بار ناۋقاستار سانىنىڭ 49 پايىزعا، ونىڭ ىشىندە بالالاردىڭ - 11 پايىزعا ءوسۋى بايقالادى (2021 جىلدىڭ سوڭىندا - 13426 بالا). 2020 جىلى دارىلىك زاتتارمەن قامتاماسىز ەتۋدىڭ 23 پايىز، 2021 جىلى 26،8 پايىز ورفاندىق اۋرۋلارى بار پاسيەنتتەرگە تيەسىلى.
وسىلايشا، قور 9،7 ميلليارد تەڭگە سوماسىنا 24 بالا مەن ەكى ەرەسەكتى جۇلىن بۇلشىق ەتىنىڭ اتروفياسى، ديۋشەننىڭ بۇلشىق ەت ديستروفياسى اۋرۋلارىمەن دارىلىك قامتاماسىز ەتۋ بويىنشا جوبانى قارجىلاندىرادى. سونىڭ ىشىندە قازاقستاندا تىركەلمەگەن وناسەمنوگەن ابەپارۆوۆەك (Zolgensma) قىمبات دارىلىك پرەپاراتىن جۇلىن بۇلشىق ەت اتروفياسى بار پاسيەنتتەرگە ارنالعان ءتورت بالا ءۇشىن ساتىپ الىنادى.
ساراپشىلىق كوميتەتى ورفاندىق اۋرۋلارمەن اۋىراتىن ناۋقاستاردى ەمدەۋ ءۇشىن دارىلىك زاتتاردى ساتىپ الۋعا دەنساۋلىق ساقتاۋ مينيسترلىگى جانىنداعى ساراپتامالىق-كەڭەسشى كەڭەستىڭ وزەكتى (مەرزىمى وتپەگەن) قورىتىندىسى بولعان جاعدايدا عانا قورعا ۇسىنىمدار بەرەدى. قاجەتتى قۇجاتتاردىڭ بولماۋىنا بايلانىستى وتىنىمدەردىڭ ءبىر بولىگى قابىلدانبادى، الايدا الداعى ۋاقىتتا بۇل وتىنىمدەر قاراستىرىلۋى مۇمكىن.