پوليسيا قىزمەتكەرلەرى ازيا كۋبوگىندە ۇزدىكتەر قاتارىنان تابىلدى

ەلوردالىق پد قىزمەتكەرلەرى قاراعاندى قالاسىندا دزيۋدو، سامبو جانە قازاق كۇرەسىنەن ازيا كۋبوگىندا جوعارى ناتيجە كورسەتتى. 

اباي قۇنانباي ۇلىنىڭ تۋعانىنا 180 جىل تولۋىنا وراي قاراعاندى قالاسىندا دزيۋدو، سامبو جانە قازاق كۇرەسىنەن ازيا كۋبوگى جوعارى دەڭگەيدە ۇيىمداستىرىلدى. جارىسقا قازاقستاننان بولەك، رەسەي، وزبەكستان، قىرعىزستان، تاجىكستان جانە گرۋزيا مەملەكەتتەرىنەن 300-دەن استام مىقتى سپورتشى قاتىستى.

 دزيۋدو كۇرەسىنەن جارىستا استانا قالاسى پوليسيا دەپارتامەنتى جىلدام قيمىلدايتىن ارنايى جاساعىنىڭ اعا ينسپەكتورلارى ولجاس شىنكەيەۆ پەن بەرىك تاشماعانبەتوۆ ەرەكشە ونەر كورسەتتى. 100 كەلى سالماق دارەجەسىندە پوليسيا كاپيتانى ولجاس قاسىمبەك ۇلى I ورىنعا يە بولسا، پوليسيا مايورى بەرىك جولدىباي ۇلى III ورىنعا كوتەرىلدى. قوس ءتارتىپ ساقشىسىنىڭ جۇلدەلى ورىنعا كوتەرىلۋى ولاردىڭ جان-جاقتى دايىندىق، فيزيكالىق توزىمدىلىك جانە مىقتى رۋحىن ايقىن كورسەتتى. ولار قىزمەتتىك مىندەتتەرىن ابىرويمەن اتقارا وتىرىپ، سپورت ارقىلى سالاۋاتتى ءومىر سالتىن ناسيحاتتاپ، جاستارعا - ۇلگى.

بۇل جەتىستىك – ىشكى ىستەر ورگاندارى قىزمەتكەرلەرىنىڭ كاسىبي دايارلىعى مەن تارتىپتىلىگىنىڭ، سونداي-اق سپورتقا دەگەن تۇراقتى قولداۋدىڭ ناتيجەسى بولىپ تابىلادى. استانا قالاسى پوليسيا دەپارتامەنتى ارىپتەستەرىن حالىقارالىق دەڭگەيدەگى جارىستا كورسەتكەن جوعارى ناتيجەلەرىمەن قۇتتىقتاپ، الداعى ۋاقىتتا دا جاڭا جەڭىستەر مەن تولاعاي تابىستار تىلەيدى.