2022 جىلدىڭ ءبىرىنشى توقسانىندا قازاقستان شەت مەملەكەتتەرگە 9،5 ميلليون دوللارعا جۋىق گۋمانيتارلىق كومەك جىبەردى.
قازاقستان اتىنان ۇسىنىلعان گۋمانيتارلىق كومەكتىڭ ەڭ كوپ كولەمى، ياعني 5،7 ملن دوللارعا كومەك، اۋعانستانعا جونەلتىلدى، دەپ حابارلايدى Almaty-akshamy.kz
سونىمەن قاتار، ەلىمىز ۋكراينا، تاجىكستان، پولشا، ۆەنگرياعا دارى-دارمەك، ازىق-تۇلىك جانە ءتۇرلى قۇرال-جابدىقتار تۇرىندە تەگىن قولداۋ كورسەتتى. ايتا كەتۋ كەرەك، قازاقستانعا دا تەگىن قولداۋ كورسەتىلەدى. ماسەلەن، 2022 جىلدىڭ قاڭتار-ناۋرىز ايلارىندا ەلىمىز 2،2 ميلليون دوللار سوماعا كومەك الدى. گۋمانيتارلىق كومەكتىڭ باسىم بولىگى يتاليا، جۇڭگو جانە گەرمانيادان جەتكىزىلدى.