Almaty-akshamy.kz سايتىندا بۇگىن جاريالانعان جاڭالىقتارعا شولۋ
ءمامس-تىڭ ءمانى ارتا ما؟
مەديسينالىق جانە فارماسيەۆتيكالىق قىزمەتكە، يونداۋشى ساۋلە شىعاراتىن اسپاپتارمەن جانە قوندىرعىلارمەن جۇمىس ىستەۋگە، ەسىرتكى قۇرالدارىنىڭ، پسيحوتروپتىق زاتتاردىڭ، پرەكۋرسورلاردىڭ اينالىمى سالاسىنداعى قىزمەتتى جۇزەگە اسىرۋعا، سانيتاريالىق-ەپيدەميولوگيالىق سالاماتتىلىق سالاسىنداعى رۇقسات قۇجاتىنىڭ بولۋىنا ليسەنزيانىڭ بولۋى ەرەكشە قاتاڭ تەكسەرىلەدى.
دەنساۋلىق ساقتاۋ مينيسترلىگى قابىلدايتىن مەديسينالىق قىزمەت بەرۋشىلەرگە قويىلاتىن تالاپتاردى كۇشەيتۋ جونىندەگى كەشەندى شارالار ءبىرىنشى كەزەكتە جوسىقسىز مەديسينالىق ۇيىمدار مەديسينالىق ساقتاندىرۋ جۇيەسى ارقىلى قارجىلاندىرۋدى الا المايتىن كەزدە حالىق ءۇشىن مەديسينالىق كومەكتىڭ ساپاسىن ارتتىرۋعا باعىتتالعان.
الىس ساپارعا اسىقپاڭىز!
ق ر ءىىم حالىققا ەسكەرتۋ جاسادى.
اۋا رايىنىڭ بۇزىلۋى، كورۋ مۇمكىندىگىنىڭ ناشارلاۋى، كوكتايعاق كەزىندە جول-كولىك وقيعالارىنىڭ الدىن الۋ جانە ازاماتتاردىڭ ءومىرى مەن دەنساۋلىعىن ساقتاۋ ءۇشىن قوزعالىسقا شەكتەۋ ەنگىزىلەدى. جولداردى جابۋ كەزىندە پوليسيانىڭ زاڭدى تالاپتارىنا باعىنباعان جۇرگىزۋشىلەرگە ايىپپۇل نەمەسە بەس تاۋلىككە دەيىن قاماۋعا الۋ جازاسى قاراستىرىلادى.
«كەدەي مەن باي جولداس بولماس...»
Oxfam حالىقارالىق بىرلەستىگى 2020 جىلدان بەرى پلانەتاداعى ەڭ داۋلەتى شالقىعان بەس ادامنىڭ كاپيتالى 869 ملرد دولللارعا كوبەيگەنىن انىقتاعان، كەرىسىنشە، ادامزاتتىڭ ەڭ كەدەي 60 پايىزى، ياعني، 5 ملرد-قا تارتا ادام تاقىر كەدەيگە اينالعان.
Guardian-نىڭ اقپاراتىنا ساي، ساراپشىلار بۇگىنگى كەدەيلىكتى ەڭسەرۋگە كەم دەگەندە 229 جىل كەتەتىنىن ەسكەرتەدى.
حوككەيشى قىزدار جاراپ تۇر...
حەرەنۆەن قالاسىندا حوككەيدەن 18 جاسقا دەيىنگى قىزدار اراسىندا وتكەن الەم بىرىنشىلىگىندە ا توبىنا تۇسكەن قازاقستان قۇراماسى تۇركيانىڭ قاقپاسىنا جاۋاپسىز 6 شايبا سالىپ، ءىرى جەڭىسكە جەتتى.
قازاقستان ەندى 18 قاڭتاردا لاتۆيامەن، سوسىن جۇڭگو جانە نيدەرلاند ەكەۋىمەن ءبىر كۇنى (21 قاڭتاردا) وينايدى.
قاسيەتتى قۇلشىلىق
بىلتىر ەلىمىزدەن 4 000 ادام ۇلى ساپارعا اتتانىپ، قاجىلىق قۇلشىلىعىن اتقارىپ كەلدى.
باس ءمۇفتي ناۋرىزباي قاجى تاعان ۇلى قازاقستان قاجىلىق ميسسياسىنىڭ ءتوراعاسى رەتىندە قاجىلاردى قاسيەتتى مەكەنگە باستاپ باردى.
كولىك قىمباتتاي ما؟
جەرگىلىكتى نارىق ءۇشىن بۇل سالىستىرمالى تۇردە العاندا، جوعارى دەڭگەيدە. Freedom Finance Global اۆتوكولىك باعاسى 12-17% وسەتىنىنە بولجام جاسادى. سونىمەن قاتار، اۆتوكولىك نارىعىنىڭ ءوسىمى ينفلياسيا قارقىنىنىڭ باياۋلاۋىمەن بىرگە تومەندەيدى.
تۇراققا تەگىن توقتاي ما؟
ەلەكتروموبيلدەر تۋرالى زاڭ جوباسى ءبىرىنشى وقىلىمدا ماقۇلداندى. ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتى ازىرلەگەن قورىتىندىعا سۇيەنسەك، زاڭ جوباسى «ساۋلەت، قالا قۇرىلىسى جانە قۇرىلىس قىزمەتى تۋرالى»، «اۆتوموبيل جولدارى تۋرالى»، «اۆتوموبيل كولىگى تۋرالى»، «ەرەكشە قورعالاتىن تابيعي اۋماقتار تۋرالى»، «جول ءجۇرىسى تۋرالى» زاڭدارعا وزگەرىستەر مەن تولىقتىرۋلار ەنگىزۋگە باعىتتالعان.
مي-عا نە بولدى؟
قىرعىزستاننىڭ Kabar اگەنتتىگىنىڭ حابارلاۋىنشا، جەرگىلىكتى ۋاقىت بويىنشا ساعات 10:55-تە «فرۋنزە-1» اۋە بازاسىندا مي-8 اسكەري تىكۇشاعى قۇلادى. قىرعىزستان اۋە قورعانىس كۇشتەرىنىڭ تىكۇشاعى وقۋ-جاتتىعۋ بارىسىندا قونۋعا ءماجبۇر بولعان. زارداپ شەككەندەر بار.
«قاڭتارىلىپ قالماڭىز!»
قازاق حالقىندا ەجەلدەن «قاڭتاردا قىز بەرمەيدى» دەگەن نانىم بار. ونىڭ ءدىني استارى جوق. ول ەڭ الدىمەن قىستىڭ قاتاڭ تابيعي ەرەكشەلىگىنە جانە تۇرمىستىق قيىنشىلىقتارعا بايلانىستى. ويتكەنى جەلتوقساننىڭ اياعىندا جارىق كۇن مەرزىمى بارىنشا قىسقارىپ، ءتۇن بارىنشا ۇزاراتىنىن بىلەمىز. قاڭتار ايىندا «كۇن – جازعا، سۋىق – ايازعا بەتتەيدى» دەمەكشى، ەڭ بوراندى، سۋىق كەزەڭ كەلەدى. مۇنداي كەزدە قىز ۇزاتىپ، كەلىن ءتۇسىرىپ شاتتىققا كەنەلۋ دە قيىن، اسىرەسە جول جۇرمەگەن ابزال. كۇننىڭ قىسقالىعىنان تەز كوز بايلانىپ، قاراڭعى ءتۇسىپ كەتەدى. اسىرەسە قۇبىلىپ تۇراتىن اۋا رايىندا بۇل وتە ءقاۋىپتى. ەرتەدە مال سوڭىندا جۇرگەندەردىڭ اراسىندا اداسىپ كەتىپ ءۇسىپ ولەتىندەر دە از بولمايتىن. سوندىقتان دا «قاڭتاردا ۇزاتىلعان قىز قاڭتارىلىپ قالادى» دەپ ساقتاندىرادى.
ساباقتا ساباعان...
العاشقى اسكەري دايىندىق ءپانىنىڭ ءمۇعالىمى وقۋشىلاردى ساباققا ارنايى كيىم الىپ كەلمەگەنى ءۇشىن ۇرعان. ءپان ءمۇعالىمىنىڭ بۇعان دەيىن دە، ەڭبەك زاڭدىلىعىنا بايلانىستى سوگىس العانى بەلگىلى بولدى. وسى وقيعاعا بايلانىستى مەكتەپ ديرەكتورىنا سوگىس جاريالاندى. ال ءمۇعالىمدى قاتال جازا كۇتىپ تۇر.
توبىقتىنىڭ توق ءبيى
1804 جىلى قۇنانباي دۇنيەگە كەلگەندە وتە ءىرى، تولىق، زور بولادى. ول تۋاردا اناسى ءتۇس كورەدى. تۇسىندە: ەرى وسكەنبايدىڭ توردە وتىرىپ، التىن ساقانى ءيىرىپ وتىرعانىن كورەدى. اناسى ول التىن ساقا – قۇنانباي دەپ جوريدى. قۇنانبايدى ءبىر كۇن دارەتسىز ەمىزبەگەن زەرەنىڭ اجە بەرتىندە:
- مەن قۇناشتى ءبىر كۇن دارەتسىز ەمىزىپ كورگەم جوق جانە ومىراۋىمدى
تازالاپ جۋماي، ءبىسمىللا ايتپاي ەمىزگەن مەزگىلىم بولعان جوق،- دەپتى. قۇنانبايدىڭ دەنەسى وتە سىمباتتى، تولىق، بويى زور، ءجۇزى نۇرلى، بوتا كوز، ماڭدايلى قىر مۇرىن، سۇلۋ بولعان دەسەدى. بالعىن زور دەنەسى بالۋاندىققا وتكىر كوزى ەرلىككە، باسى اقىلدىلىققا سايكەستەنە بىتكەن. اۋىل مولداسىنان وقىپ، شالا حات تانىسا دا اكەسى وسكەنبايعا كەلگەن حاتتاردى بىرىنە-بىرىن سالىستىرىپ، ءوز تالابىمەن تولىق تانىپ، تۇرىكشە جازىلعان كىتاپتاردى ەركىن وقي الاتىن بولعان ەكەن.