ىشكى ىستەر مينيسترلىگى جاڭا جىل قارساڭىندا الاياقتاردىڭ بەلسەندى تۇردە ارەكەت ەتەتىنىن ايتىپ، قازاقستاندىقتارعا ساق بولۋدى ەسكەرتتى، - دەپ حابارلايدى Aqshamnews.kz.
«جاڭا جىل قارساڭىندا الاياقتار بەلسەندى تۇردە ارەكەت ەتەدى. الەۋمەتتىك جەلىلەردە باعاسى ارزان شىرشالاردى ساتۋ تۋرالى حابارلامالار پايدا بولادى. ولار ادەمى فوتوسۋرەتتەردى پايدالانىپ، الدىن الا تولەم جاساۋدى تالاپ ەتەدى. اقشا اۋدارىلعاننان كەيىن «ساتۋشىلار» بايلانىستى بىردەن ۇزەدى»، - دەلىنگەن حابارلامادا.
پوليسيا ەسكەرتەدى:
- بەلگىسىز نەمەسە جاڭادان اشىلعان پاراقشالاردان تاۋار ساتىپ الماڭىز؛
- الدىن الا تولەم جاساۋدان، اسىرەسە جەكە بانكتىك كارتالارعا اقشا اۋدارۋدان باس تارتىڭىز؛
- پىكىرلەردى، جاريالانىمداردى جانە اككاۋنتتىڭ تىركەلگەن كۇنىن مۇقيات تەكسەرىڭىز؛
- ناقتى مەكەنجاي مەن بايلانىس ءنومىرىنىڭ بار-جوعىن انىقتاڭىز؛
- وتە تومەن باعا نەمەسە تولەمدى جەدەل جاساۋعا شاقىراتىن ۇسىنىستارعا ساقتىقپەن قاراڭىز؛
- كۇمان پايدا بولسا، ساتىپ الۋدان باس تارتقان ءجون.
الاياقتار مەرەكەلىك اۋرە-سارساڭ مەن ازاماتتاردىڭ ۇنەمدەۋگە دەگەن ۇمتىلىسىن پايدالانادى. سوندىقتان اقشانى الاياقتاردان ساقتاۋدىڭ ەڭ ءتيىمدى جولى – مۇقيات بولۋ.
بۇعان دەيىن پوليسيا مەرەكە قارساڭىندا الاياقتاردىڭ بەلسەندىلىگى ارتاتىنىن ەسكەرتكەن بولاتىن.