ەلىمىزدە كيىك ەتىنەن شۇجىق جاسالىپ جاتىر

ورال قالاسىندا اقبوكەن ەتىنەن شۇجىق شىعاراتىن شاعىن ءوندىرىس ىسكە قوسىلدى، دەپ حابارلايدى aqshamnews.kz

mgorod.kz مالىمەتىنشە، ەكسپەريمەنتتىك شۇجىق ءوندىرىسىن باتىس قازاقستان اگرارلىق-تەحنيكالىق ۋنيۆەرسيتەتىنىڭ جاس عالىمدارى قولعا الدى. اقبوكەن ەتىنەن دايىندالاتىن شۇجىققا 30% قۇس ەتى قوسىلادى.

عالىمدار تەحنولوگيانى جەتىلدىرۋ جانە دايىن ءونىمنىڭ ساپاسىن تەكسەرۋ جۇمىستارىن جالعاستىرىپ جاتىر. اسىرەسە تەرمينالدىق وڭدەۋدىڭ دۇرىستىعىنا جانە شۇجىقتىڭ ادام دەنساۋلىعىنا زيان كەلتىرمەۋىنە ەرەكشە نازار اۋدارىلۋدا.

ۋنيۆەرسيتەت وقىتۋشىسى ايدانا بەكبۋسينوۆا رەسەپت ازىرلەۋ اسپەكتىلەرىن زەرتتەگەن. ول مۇنداي شۇجىقتىڭ باستى ەرەكشەلىگىن اتاپ ءوتتى.

– فارشقا ءداستۇرلى دامدەۋىشتەر: تۇز، بۇرىش، سارىمساق قوسىلادى. زەرتتەۋ بارىسىندا اقبوكەن ەتىنىڭ وتە شىرىندى ەكەنىن بايقادىق. دايىن ءونىم توڭازىتقىشتا ەكى اپتاعا دەيىن ساقتالا الادى، – دەيدى ماگيستر ايدانا بەكبۋسينوۆا.

قازاقستاندا كيىكتەردى اتۋ ماسەلەسى ءالى قىزۋ تالقىلانىپ جاتىر. ەكولوگيا جانە تابيعي رەسۋرستار ءمينيسترى ەرلان نىسانبايەۆ كيىكتەردى تابيعي ورتادان قانشا مولشەردە الىپ تاستاۋ جوسپارلانىپ وتىرعانىن ايتتى. ءمينيستردىڭ سوزىنشە، ەلدە 800 مىڭ باس كيىكتى اتۋ ۇسىنىلعان.