پرەزيدەنت قاسىم-جومارت توقايەۆ پول كاگامەنى رۋاندا رەسپۋبليكاسىنىڭ تاۋەلسىزدىك كۇنىمەن قۇتتىقتادى، دەپ حابارلايدى aqshamnews.kz اقورداعا سىلتەمە جاساپ.
– ءبىز ەلىڭىزدى افريكا قۇرلىعىنداعى سەنىمدى ءارى ماڭىزدى سەرىكتەستەرىمىزدىڭ ءبىرى رەتىندە قاراستىرامىز. بۇل تۇستا، قازاقستان مەن رۋاندا اراسىنداعى دوستىق پەن ءوزارا تۇسىنىستىككە نەگىزدەلگەن قاتىناستاردىڭ تۇعىرى بەرىك، الەۋەتى زور ەكەنىن ەرەكشە قاناعاتپەن اتاپ وتەمىن، – دەپ جازىلعان جەدەلحاتتا.