الماتى قالاسىندا «پرەزيدەنت سايلاۋى: جاڭا ساياسي داۋىرگە قادام» اتتى «Sarap» ەكسپەرتتىك كلۋبىنىڭ جانە ق ر عىلىم جانە جوعارى ءبىلىم مينيسترلىگى عىلىم كوميتەتى فيلوسوفيا، ساياساتتانۋ جانە ءدىنتانۋ ينستيتۋتىنىڭ ساياسي زەرتتەۋلەر ورتالىعىمەن بىرلەسكەن ايماقتىق وتىرىسى ءوتتى.
جيىن بارىسىندا «قازاقستاندىق قوعام دىق دامۋ ينستيتۋتى» كەاق مۇشەلەرى جولداۋدىڭ باسىم باعىتتارىنىڭ ماڭىزىن ءتۇسىندىردى. ەكى ساعاتقا سوزىلعان وتىرىستا قاتىسۋشىلار بەس باعدارعا بولىنگەن جولداۋ داعى ەل دامۋىنا سەرپىن بەرەتىن سالالارعا جەكە-جەكە توقتالدى. جولداۋدا جاريالانعان رەفورمالاردىڭ باعىت-باعدارى، حالىقتى الەۋمەتتىك قولداۋ، ەلدىڭ ەكونوميكالىق دامۋى، جاڭا ەكونوميكالىق ساياساتتىڭ ماقساتى، ءبىلىم مەن دەنساۋلىق ساقتاۋ، قۇقىق قورعاۋ سالالارىنداعى وزگەرىستەر، قۇرىلىس، جەر، جاستار ماسەلەلەرى كەڭىنەن ايتىلدى.
«1 قىركۇيەكتە مەملەكەت باسشىسى قاسىم-جومارت توقايەۆ پارلامەنتتىڭ قوس پالاتاسىنىڭ بىرلەسكەن وتىرىسى كەزىندە قازاقستان حالقىنا كەزەكتى جولداۋىن جولدادى. پرەزيدەنت قاسىم-جومارت توقايەۆ قازاقستان حالقىنا ۇندەۋىندە سايلاۋ ناۋقانى قاتاڭ تۇردە ەلىمىزدىڭ زاڭناماسىنا سايكەس جۇرگىزىلەتىندىگىنە كەپىلدىك بەرەتىنىن مالىمدەدى. مەملەكەت باسشىسى ساياسي وزگەرىستەردى اشىقتىق، ادىلدىك جانە ءوزارا سەنىم ارقىلى جۇزەگە اسىرۋ ماڭىزدى ەكەنىن اتاپ ءوتىپ، اۋقىمدى رەفورمالار پاكەتىن جولدادى. سونداي-اق، قاسىم-جومارت توقايەۆ كەزەكتەن تىس پرەزيدەنت سايلاۋى وتەتىندىگىن جاريالاپ، پرەزيدەنتتىڭ وكىلەتتىگىن قايتا سايلانۋ قۇقىعىنسىز 7 جىلدىق ءبىر مەرزىممەن شەكتەۋدى ۇسىندى»، – دەيدى «قازاقستاندىق قوعامدىق دامۋ ينستيتۋتى» كەاق باسقارما ءتوراعاسىنىڭ ورىنباسارى اسەم قايداروۆا.
ءىس-شاراعا مەملەكەتتىك ورگانداردىڭ وكىلدەرى، بەلگىلى ساياساتتانۋشىلار، قوعامدىق پىكىر كوشباسشىلارى، ق ر عجب عك فيلو سوفيا، ساياساتتانۋ جانە ءدىنتانۋ ينستيتۋتىنىڭ قىزمەتكەرلەرى جانە ققدي ساراپشىلارى قاتىستى. وتىرىسقا قاتىسۋشىلار سايلاۋدىڭ ساياسي جۇيەدەگى ءرولىن تالداپ، كەزەكتى سايلاۋ پروسەسىندەگى يننوۆاسيالار مەن وزگەرىستەردى، اشىقتىق پەن زاڭدىلىقتى قامتاماسىز ەتۋدى تالقىلادى.