ەلوردادا دەنساۋلىعىنا بايلانىستى ۆاكسينا الماعاندار ءۇشىن دە "جاسىل" ستاتۋس جانادى
دەنساۋلىعىنا بايلانىستى كوروناۆيرۋسقا قارسى ۆاكسينا الۋعا بولمايتىن قازاقستاندىقتار ەلوردادا قوعامدىق ورىندارعا بارۋعا مۇمكىندىك الادى، دەپ حابارلايدى Almaty-akshamy.kz
Qazaqtv.com سايتىنىڭ مالىمەتىنە سايكەس، ول ءۇشىن ادامدار مەديسينالىق قاراما-قايشىلىقتار تۋرالى انىقتامانى كورسەتۋى ءتيىس. نۇر-سۇلتان قالاسىنىڭ باس سانيتارلىق دارىگەرى سارحات بەيسەنوۆانىڭ ايتۋىنشا، باعدارلاما ازىرگە تولىقتىرىلماعان. مەديسينالىق انىقتاماسى بارلاردىڭ ستاتۋسى بولاشاقتا «اشىق» قوسىمشاسىندا «جاسىلعا» وزگەرەدى.
«ۋچاسكەلىك دارىگەر بەرگەن انىقتاماسى بار، ناقتى مەديسينالىق قاراما-قايشىلىقتارى بار ازاماتتار دەمالىس كۇندەرى قوعامدىق ورىندارعا بارۋعا تولىقتاي قۇقىلى. ياعني ول رەسمي انىقتامانى سول نىساننىڭ اكىمشىلىگىنە كورسەتسە بولدى. ءقازىر دەنساۋلىق ساقتاۋ مينيسترلىگى انىقتاماسى بارلاردىڭ ستاتۋسى «اشىق» قوسىمشاسىندا «كوك» ەمەس، «جاسىل» بولۋى ءۇشىن انىقتامالاردى باعدارلاماعا كىرىستىرۋ باعىتىندا جۇمىس جۇرگىزىپ جاتىر»، - دەيدى نۇر-سۇلتان قالاسىنىڭ باس سانيتارلىق دارىگەرى سارحات بەيسەنوۆا.