400 مىڭ تۇرعىن زارداپ شەكتى
برازيليانىڭ سولتۇستىك-شىعىسىندا الاپات تاسقىن 2 بوگەتتى بۇزىپ كەتتى، دەپ حابارلايدى Almaty-akshamy.kz «حابار24» تەلەارناسىنا سىلتەمە جاساپ.
تولاسسىز جاۋعان جاۋىننان وزەندەر تاسىپ، ايماقتا جالپى 67 قالا مەن ءبىرتالاي ەلدى مەكەنگە سۋ جايىلدى.
كوپىرلەر، جولدار مەن ۇيلەر قيراپ، 400 مىڭ تۇرعىن زارداپ شەكتى. باسپاناسىز قالعان حالىق بيلىك تاراپىنان ەۆاكۋاسيالاۋ جانە ءزارۋ زاتتارمەن قامتاماسىز ەتۋ بويىنشا ءتيىستى كومەك كورسەتىلمەي جاتقانىن ايتادى.
ابىروي بولعاندا، قۇربان بولعاندار مەن جاراقات العاندار تۋرالى اقپارات تۇسكەن جوق. مەتەرولوگتار وڭىردە ادەتتەگىدەن 6 ەسە كوپ جاۋىن-شاشىن تۇسكەنىن حابارلادى.