بۇل تۋرالى ساۋدا جانە ينتەگراسيا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنىڭ ءتوراعاسى اسقار تىنىسبەكوۆ بريفينگتە ايتتى، دەپ حابارلايدى almaty-akshamy.kz
ونىڭ ايتۋىنشا، كوميتەتكە 1800-گە جۋىق ازامات جۇگىنگەن. ەستەرىڭىزگە سالا كەتەيىك، 2019 جىلعى 27 جەلتوقساندا بولعان اۋە اپاتىنان كەيىن كومپانياعا جوسپاردان تىس تەكسەرۋ جۇرگىزىلگەن ەدى. سول كەزدە قاۋىپسىزدىككە قاتىستى زاڭنامانى ورەسكەل بۇزۋشىلىقتار انىقتالعان. جولاۋشىلار اۋە كومپانياسىنا قايعىلى وقيعادان كەيىن توقتاتىلعان رەيستەرگە بيلەتتەردى قايتارۋ بويىنشا جاپپاي شاعىمداندى.
– ەگەر اۆياكومپانيالار تۋرالى ايتاتىن بولساق، تۇتىنۋشىلاردا تۋىندايتىن پروبلەمالار وتە كوپ. مىسالى، وتكەن جىلى تەك بەك ەير بويىنشا 1797 ارىز ءتۇستى. قارالدى، قۇقىقتارى قورعالدى. سوت شەشىمى بويىنشا 110 ميلليون تەڭگە ءوندىرىلدى، - دەدى ق ر Cاۋدا جانە ينتەگراسيا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنىڭ ءتوراعاسى اسقار تىنىسبەكوۆ.