وكق-دە وتكەن باسپا ءسوز كونفەرەنسياسىندا الماتى اكىمى باقىتجان ساعىنتايەۆ قالا ەكونوميكاسىنىڭ ەجەلگى سالالارىن قالپىنا كەلتىرۋ جانە 800-دەن استام جۇمىس ورنى قۇرىلاتىن يندۋستريالدى ايماقتىڭ ماڭىزدى ءرولى تۋرالى ايتتى.
الماتىنىڭ ونەركاسىپتىك سەكتورىن قولداۋ اياسىندا يندۋستريالدى ايماق قارقىندى دامۋدا. مۇندا جىل سوڭىنا دەيىن 823 جۇمىس ورنىن قۇرايتىن 40،3 ملرد تەڭگەگە 9 جوبا ىسكە اساتىن بولادى.
جاڭا كاسىپورىنداردا اۆتوكلاۆتالعان گازبەتون، مەديسينالىق ماقساتتاعى دياگنوستيكالىق تەستىلەر، تابيعي تاستان جاسالعان بۇيىمدار، سالقىنداتقىش سۇيىقتىقتار، ۇلكەن ديامەترلى دانەكەرلەنگەن بولات قۇبىرلار، ەلەكتر بۇيىمدارى، ينجەنەرلىك سانتەحنيكا جانە جىلىتۋ جابدىقتارى، ورتاشا ۆولتتى كەشەندى تاراتۋ قوندىرعىلارىن شىعارۋ ءوندىرىسى جولعا قويىلادى.
جوبالاردى «راحات بك»، «گ.س.گ. ۆىسوتنيك»،« Kaز-ديا-Teست»، City Stone، «الەم تىنىسى»، Asia steel pipe corporation، «ەلەكتروبار»، Valtherm، Technokont سياقتى كاسىپورىندار جۇزەگە اسىرادى.
قازىرگى كەزدە بولىنگەن جەر ۋچاسكەلەرىندە قۇرىلىس-مونتاج جۇمىستارى قىزۋ جۇرگىزىلۋدە. كەيبىر رەزيدەنت-كومپانيالار عيماراتتاردىڭ ىشتەرىن ارلەۋدە، وندىرىستىك جابدىقتاردى جەتكىزۋدە جانە اۋماقتاردى اباتتاندىرۋدا.
يندۋستريالدى ايماقتا شاعىن كاسىپورىندار ءۇشىن الاڭى ورتا ەسەپپەن 5 مىڭ شارشى مەتر بولاتىن ءوندىرىس ورىندارى سالىنۋدا. بيىلعى جىلى 20 مىڭ شارشى مەترلىك ءتورت شاعىن وندىرىستىك پاركتى ساياباقتى ىسكە قوسۋ جوسپارلانۋدا، ينۆەستيسيا كولەمى 3،2 ملرد تەڭگەنى قۇرايدى، 900 جۇمىس ورنى اشىلادى.
الماتىداعى شاعىن ونەركاسىپتىك پاركتەردىڭ رەزيدەنتتەرى ءۇشىن جىلدىق 2%-بەن جەڭىلدەتىلگەن قارجىلاندىرۋ قاراستىرىلعان، جالعا بەرىلەتىن 1 شارشى مەتر ورىننىڭ قۇنى – 1200 تەڭگە.
«الاتاۋ» يتپ» اەا-دا جىل باسىنان بەرى پريبور جاساۋ جاساۋ جانە فارماسيەۆتيكا سالالارى بويىنشا 8 جوباعا قاتىستى وندىرىستىك الاڭداردى جوبالاۋ باستالدى. جالپى ينۆەستيسيا كولەمى 44،5 ملرد تەڭگەنى قۇرايدى، 1،6 مىڭنان استام جۇمىس ورنى قۇرىلادى.
قالا ءۇشىن ماڭىزدى سالا ساۋدا بولىپ قالا بەرەدى - ءجوو-نىڭ 32،9%، جۇمىسپەن قامتىلعانداردىڭ 24،4%. اعىمداعى جىلى بازارلاردىڭ ورنىنا 81 جاڭا زاماناۋي ساۋدا نىساندارىن ىسكە قوسۋ جوسپارلانۋدا.
الماتىدا ونلاين-تاۋار اينالىمىنىڭ كولەمى 2،3 ەسەگە (228،6%) ءوستى. قالاداعى ينتەرنەت-دۇكەندەردىڭ ۇلەسى ەلدەگى بارلىق دۇكەندەردىڭ 60%-ىن قۇرايدى.