قايتالاپ بۇزعان جاعدايدا 2 اەك، ياعني 6 مىڭ تەڭگەدەن استام ايىپپۇل سالىنادى.
سۋعا شومىلۋ ماۋسىمى باستالعاننان بەرى قالانىڭ سۋ قويمالارىندا قاۋىپسىزدىك ەرەجەلەرىن بۇزعانى ءۇشىن 9 ازاماتقا ايىپپۇل سالىندى، دەپ حابارلايدى Almaty-akshamy.kz
«سايران كولىنىڭ باتىس جاعالاۋىندا شومىلۋعا تىيىم سالىنعان جەردە 25 جاستاعى ەكى ەر ادامعا جانە سۋ قويماسىنىڭ جانىندا الكوگولدى ىشىمدىك ءىشىپ وتىرعان 45 جاستاعى ايەلگە ايىپپۇل سالىندى. ولار ق ر ءاب تۋرالى كودەكسىنىڭ 364-بابىنا سايكەس «ورتاق سۋ پايدالانۋ ەرەجەلەرىن بۇزۋ»، سونداي-اق 440-بابىنا «الكوگولدى ىشىمدىكتەردى ءىشۋ نەمەسە قوعامدىق ورىندارعا ماس كۇيدە كەلۋ» بويىنشا اكىمشىلىك جاۋاپقا تارتىلدى»،- دەپ حابارلادى الماتى قالالىق توتەنشە جاعدايلار دەپارتامەنتىنىڭ باسپا ءسوز قىزمەتى.
ۆەدومستۆو وكىلدەرىنىڭ ايتۋىنشا، ماۋسىم ايىنان باستاپ 9 ادام اكىمشىلىك جاۋاپقا تارتىلدى. قايتالاپ بۇزعان جاعدايدا 2 اەك، ياعني 6 مىڭ تەڭگەدەن استام ايىپپۇل سالىنادى. ايتا كەتەيىك، الماتى اۋماعىندا شومىلۋعا رۇقسات ەتىلگەن 4 ورىن بەلگىلەنگەن.