ءقازىر ونىڭ جوبالىق-سمەتالىق قۇجاتتاماسى ازىرلەنۋدە
بۇل تۋرالى قالالىق موبيلدىلىك باسقارماسى ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ا. جۇبانوۆ كوشەسى ب.مومىش ۇلى داڭعىلىنان قالا شەكاراسىنا دەيىن بەس شاقىرىمعا ۇزارتىلاتىن بولادى.
«قازىرگى ۋاقىتتا ا. جۇبانوۆ كوشەسىن ب.مومىش ۇلى كوشەسىنەن قالا شەكاراسىنا دەيىن ۇزارتۋ ءۇشىن جوبالاۋ-سمەتالىق قۇجاتتاماسىن ازىرلەۋ جۇمىستارى باستالدى. جوباعا جاياۋ جۇرگىنشىلەر، ۆەلوسيپەد جانە ءتورت جولاقتى جول كىرەدى. ساتىپ الاتىن جەر تەلىمدەرىنىڭ سانى جوبا دايىن بولعانان كەيىن بەلگىلى بولادى»، - دەپ حابارلادى قالالىق موبيلدىلىك باسقارماسى.
باسقارما باسشىسى عاني مۇرزاحانوۆتىڭ ايتۋىنشا، جوبالىق-سمەتالىق قۇجاتتاما كەلەسى جىلدىڭ شىلدە ايىندا اياقتالادى. بۇعان دەيىن ن.تىلەندييەۆ كوشەسى مەن سولتۇستىك اينالما جولى سولتۇستىك باعىتتا ۇلكەن الماتى اينالما اۆتوموبيل جولىنا دەيىن ۇزارتىلاتىنى تۋرالى جازعان بولاتىنبىز.
جالپى 2030 جىلعا دەيىن الماتىدا 38 كوشە ۇزاراتىلادى. ساراپشىلار جاڭا كوشەلەردى ەكى كەزەڭدە سالۋدى ۇسىنىپ وتىر. كوشەلەردىڭ ءبىر بولىگى - 2025 جىلعا دەيىن، ال ەكىنشىسى - 2030 جىلعا دەيىن.