رەسپۋبليكا بويىنشا جاۋىن-شاشىن، تۇمان بولادى.
قازاقستاندىق سينوپتيكتەر 26-28 اقپان كۇندەرىنە ارنالعان اۋا رايى بولجامىن جاريالادى، دەپ حابارلايدى Almaty-akshamy.kz.
قىستىڭ سوڭعى كۇندەرىندە اتموسفەرالىق فرونتالدىق بولىكتەردىڭ اسەرىنەن رەسپۋبليكا بويىنشا جاۋىن-شاشىن (جاڭبىر، قار)، تۇمان، كوكتايعاق، جەلدىڭ كۇشەيۋى، ەلدىڭ سولتۇستىك جارتىسىندا بۇرقاسىن كۇتىلەدى.
«رەسپۋبليكانىڭ وڭتۇستىك وڭىرلەرىندە اۋا رايى جاۋىن-شاشىنسىز بولادى. اۋا تەمپەراتۋراسى تۇندە قازاقستاننىڭ باتىسى مەن وڭتۇستىك-شىعىسىندا -5 گرادۋس ايازدان +5، ەلدىڭ سولتۇستىك-باتىسىندا -3 – 15 گرادۋس اياز، سولتۇستىگىندە -5-تەن -20 گرادۋسقا دەيىن اياز، شىعىسىندا جانە ورتالىعىندا -3-تەن -18 جانە -13-تەن -25 گرادۋسقا دەيىن اياز، وڭتۇستىگىندە -8 گرادۋس ايازدان +5 گرادۋسقا دەيىن، -5 گرادۋستان +10 گرادۋسقا دەيىن جىليدى»، – دەلىنگەن سينوپتيكتەردىڭ حابارلاماسىندا.