نايزاعاي ويناپ، جاڭبىر جاۋادى.
سينوپتيكتەر تامىزدىڭ 5-7 كۇندەرىنە ارنالعان اۋا رايى بولجامىن ايتتى، دەپ حابارلايدى Almaty-akshamy.kz.
«جاڭا جەر اۋداندارىنداعى سيكلون جانە ونىڭ اتموسفەرالىق فرونتتارى رەسپۋبليكانىڭ سولتۇستىك جارتىسىنا نايزاعاي، بۇرشاق، قاتتى جەل مەن جىلۋدىڭ السىرەۋىمەن جاڭبىر تۋدىرادى. تەرمومەتر باعاندارى تۇنگى ۋاقىتتا ەلىمىزدىڭ باتىسىندا 15-25 گرادۋس جىلىلىقتى، سولتۇستىگىندە 10-20 گرادۋس جىلىلىقتى كورسەتەدى. كۇندىزگى ۋاقىتتا اۋا تەمپەراتۋراسى باتىستا 27-35 گرادۋس جىلىعا دەيىن، سولتۇستىكتە 23-30 گرادۋس جىلىعا دەيىن تومەندەيدى. شىعىستا جانە ورتالىقتا اۋا تەمپەراتۋراسى تۇندە 10-20 گرادۋس، كۇندىز 25-35 گرادۋس جىلى بولادى»، – دەلىنگەن «قازگيدرومەت» رمك حابارلاماسىندا.
ەلىمىزدىڭ وڭتۇستىك جانە وڭتۇستىك-شىعىسىندا ىستىق، قۇرعاق اۋا رايى ساقتالادى، كەي جەرلەردە شاڭدى داۋىل بولىپ، جەل كۇشەيەدى. الداعى كۇندەرى اۋا تەمپەراتۋراسى تۇندە 20-28 گرادۋس جىلى، كۇندىز 32-42 گرادۋس جىلى بولادى.