11 وڭىرىندە ۇسىك ءجۇرىپ، كوكتايعاق بولادى
18 ساۋىردە قولايسىز اۋا رايىنا بايلانىستى ەلىمىزدىڭ 11 وڭىرىندە ەسكەرتۋ جاريالاندى، دەپ حابارلايدى Almaty-akshamy.kz.
كۇندىز اقمولا وبلىسىنىڭ سولتۇستىگىندە، باتىسىندا، شىعىسىندا كوكتايعاق بولىپ، جاياۋ بۇرقاسىن جۇرەدى دەپ كۇتىلەدى. وبلىستىڭ سولتۇستىگىندە، وڭتۇستىگىندە تۇمان تۇسەدى. وبلىستىڭ سولتۇستىگىندە، شىعىسىندا وڭتۇستىك-باتىستان سولتۇستىك-باتىسقا ويىسا سوققان جەلدىڭ ەكپىنى 15-20 م/س، كۇندىز وبلىستىڭ سولتۇستىگىندە 23 م/س قۇرايدى دەپ بولجانادى. كوكشەتاۋدا وڭتۇستىك-باتىستان سولتۇستىك-باتىسقا ويىسا سوققان جەلدىڭ تاڭەرتەڭ جانە كۇندىزگى ەكپىنى 15-20 م/س بولادى دەپ كۇتىلەدى.
تۇندە جانە تاڭەرتەڭ باتىس قازاقستان وبلىسىنىڭ سولتۇستىگىندە، شىعىسىندا تۇمان بولادى. تۇندە وبلىستىڭ سولتۇستىك-شىعىسىندا سىناپ باعانى 1-6 گرادۋسقا دەيىن تومەندەپ، ۇسىك جۇرەدى دەپ كۇتىلەدى. ورال قالاسىندا تۇندە جانە تاڭەرتەڭ تۇمان بولادى. تۇندە اۋا تەمپەراتۋراسى -1-3 گرادۋس سۋىق بولىپ، ۇسىك ءجۇرۋى ىقتيمال.
قىزىلوردا وبلىسىنىڭ سولتۇستىگىندە، ورتالىعىندا تۇمان بولادى دەپ بولجانادى. تۇندە وبلىستىڭ باسىم بولىگىندە اۋا تەمپەراتۋراسى -1-6 گرادۋسقا دەيىن سۋىتىپ، ۇسىك جۇرەدى دەپ كۇتىلەدى. قىزىلوردا قالاسىندا تۇندە سىناپ باعانى -1-3 گرادۋس سۋىقتى كورسەتىپ، ۇسىك ءجۇرۋى ىقتيمال.
الماتى وبلىسىندا كۇن جاۋىن-شاشىندى (جاڭبىر سوڭى قارعا ۇلاسادى)، تاۋلى اۋدانداردا قاتتى جاۋىن-شاشىن (كوبىنەسە قار)، جاياۋ بۇرقاسىن جۇرەدى دەپ بولجانادى. تاۋلى اۋداندار مەن تاۋ ەتەگىندە تۇمان، كوكتايعاق بولادى دەپ كۇتىلەدى. سولتۇستىك-باتىستان جەل سوعادى، وبلىستىڭ وڭتۇستىك جارتىسىندا سوققان جەلدىڭ ەكپىنى 15-20 م/س، وبلىستىڭ تاۋلى اۋداندارىندا كەي ۋاقىتتاردا 23 م/س قۇرايدى. تۇندە وبلىستىڭ سولتۇستىگىندە، تاۋ ەتەگىندەگى اۋدانداردا سىناپ باعانى -3 گرادۋس سۋىقتى كورسەتەدى، ۇسىك بولادى. كۇندىز اۋا تەمپەراتۋراسى 3-8 گرادۋس جىلى، وبلىستىڭ تاۋلى اۋداندارىندا، سولتۇستىگىندە سىناپ باعانى -1-6 گرادۋس سۋىقتى كورسەتەدى، ۇسىك جۇرەدى دەپ كۇتىلەدى. الماتى قالاسىندا تۇندە جانە تاڭەرتەڭ جاۋىن-شاشىن (جاڭبىردىڭ سوڭى قارعا ۇلاسادى)، تۇمان، كوكتايعاق بولادى دەپ كۇتىلەدى. سولتۇستىك-باتىستان جەل سوعادى، ءتۇننىڭ ءبىرىنشى جارتىسىندا سوققان جەلدىڭ ەكپىنى 15 م/س قۇرايدى. تۇندە -1-3 گرادۋس سۋىق بولادى، ۇسىك جۇرەدى، كۇندىز 6-8 گرادۋس جىلى بولادى دەپ كۇتىلەدى. قونايەۆ قالاسىندا سولتۇستىك-باتىستان جەل سوعادى، ەكپىنى - 15 م/س.
جەتىسۋ وبلىسىنىڭ وڭتۇستىگىندە تۇندە جاڭبىر، وبلىستىڭ ورتالىعىندا، شىعىسىندا، تاۋلى اۋداندارىندا جاۋىن-شاشىن (جاڭبىردىڭ سوڭى قارعا ۇلاسادى) بولادى دەپ كۇتىلەدى. وبلىستىڭ تاۋلى اۋداندارىندا تۇمان بولادى. سولتۇستىك-شىعىستان جەل سوعادى، وبلىستىڭ وڭتۇستىگىندە، سولتۇستىگىندە، شىعىسىندا سوققان جەلدىڭ ەكپىنى 17-22 م/س، الاكول اۋداندارىندا كەي ۋاقىتتا 30 م/س دەيىن جەتەدى. تۇندە سولتۇستىكتە، وبلىستىڭ تاۋلى ايماقتارىندا -3 گرادۋس سۋىق بولىپ، ۇسىك جۇرەدى دەپ كۇتىلەدى. كۇندىز اۋا تەمپەراتۋراسى 4-9 گرادۋس جىلى. تالدىقورعاندا تۇندە جانە تاڭەرتەڭ جاۋىن-شاشىن (جاڭبىردىڭ سوڭى قارعا ۇلاسادى) بولادى دەپ كۇتىلەدى. اۋا تەمپەراتۋراسى تۇندە 0-2 گرادۋس جىلى، كۇندىز 6-8 گرادۋس جىلى.
تۇندە جانە تاڭەرتەڭ قوستاناي وبلىسىنىڭ وڭتۇستىگىندە تۇمان بولادى دەپ كۇتىلەدى. باتىستان جەل سوعادى، كۇندىز وبلىستىڭ سولتۇستىگىندە، شىعىسىندا سوققان جەلدىڭ ەكپىنى 15-20 م/س قۇرايدى. قوستاناي قالاسىندا باتىستان سوققان جەلدىڭ ەكپىنى - 15-20 م/س.
جامبىل وبلىسىنىڭ وڭتۇستىگىندە، تاۋلى اۋداندارىندا تۇمان، كوكتايعاق بولادى دەپ كۇتىلەدى. سولتۇستىك-شىعىستان جەل سوعادى، وبلىستىڭ وڭتۇستىك-باتىسىندا، تاۋلى اۋداندارىندا ونىڭ ەكپىنى 15-20 م/س قۇرايدى دەپ كۇتىلەدى. تۇندە وبلىستىڭ سولتۇستىگىندە، تاۋلى اۋداندارىندا سىناپ باعانى -1-6 گرادۋس سۋىقتى كورسەتىپ، ۇسىك جۇرەدى دەپ كۇتىلەدى. تارازدا تۇمان تۇسەدى. كۇننىڭ ەكىنشى جارتىسىندا جاياۋ بۇرقاسىن جۇرەدى، كوكتايعاق بولادى. وڭتۇستىك-باتىستان سوققان جەلدىڭ ەكپىنى - 15-20 م/س.
پاۆلودار وبلىسىنىڭ سولتۇستىك جارتىسىندا جاياۋ بۇرقاسىن جۇرەدى، كوكتايعاق بولادى دەپ بولجانادى. وڭتۇستىك-باتىستان جەل سوعادى، تۇندە وبلىستىڭ سولتۇستىگىندە، كۇندىز وبلىستىڭ باسىم بولىگىندە سوققان جەلدىڭ ەكپىنى 15-20 م/س بولادى دەپ كۇتىلەدى. پاۆلوداردا كۇندىز جاياۋ بۇرقاسىن جۇرەدى، كوكتايعاق بولادى. وڭتۇستىك-باتىستان سوققان جەلدىڭ ەكپىنى - 15-20 م/س.
تۇندە قاراعاندى وبلىسىنىڭ شىعىسىندا جاياۋ بۇرقاسىن جۇرەدى، كوكتايعاق بولادى دەپ كۇتىلەدى. وبلىستىڭ سولتۇستىگىندە، وڭتۇستىگىندە تۇمان تۇسەدى. سولتۇستىك-باتىستان جەل سوعادى، وبلىستىڭ شىعىسىندا سوققان جەلدىڭ ەكپىنى 15-20 م/س بولادى دەپ كۇتىلەدى.
تۇندە شىعىس قازاقستان وبلىسىنىڭ باسىم بولىگىندە قار جاۋادى دەپ كۇتىلەدى، كۇندىز وبلىستىڭ سولتۇستىگىندە، شىعىسىندا، وڭتۇستىگىندە جاۋىن-شاشىن (جاڭبىر، قار) بولادى. وبلىستىڭ سولتۇستىگىندە، شىعىسىندا جاياۋ بۇرقاسىن جۇرەدى، كوكتايعاق بولادى. وبلىستىڭ سولتۇستىگىندە، شىعىسىندا، وڭتۇستىگىندە باتىستان، سولتۇستىك-باتىستان سوققان جەلدىڭ ەكپىنى 15-20 م/س، كەي تۇستا 25 م/س قۇرايدى. وسكەمەندە باتىستان، سولتۇستىك-باتىستان 15-20 م/س جىلدامدىقپەن جەل سوعادى.
تۇندە اباي وبلىسىنىڭ شىعىسىندا، وڭتۇستىگىندە، ورتالىعىندا قار جاۋادى، جاياۋ بۇرقاسىن جۇرەدى، كوكتايعاق بولادى دەپ بولجانادى. وبلىستىڭ سولتۇستىگىندە، وڭتۇستىگىندە، ورتالىعىندا باتىستان، سولتۇستىك-باتىستان 15-20 م/س، كەي تۇستا 25 م/س جىلدامدىقپەن جەل سوعادى. سەمەيدە باتىستان، سولتۇستىك-باتىستان سوققان جەلدىڭ ەكپىنى 15-20 م/س قۇرايدى.