Qazaqstandyqtar Andreı Golýbev pen Iaroslava Shvedova US Open týrnırinde sátti óner kórsetýde, dep habarlaıdy Almaty-akshamy.kz QazAqparat-qa silteme jasap.
Juptyq synda «Úlken dýlyǵa» jarysynyń 15-raketkalary bolyp tirkelgen Andreı Golýbev pen germanıalyq Andreas Mes ekinshi aınalymda bosnıalyq Tomıslav Brkıch – serbıalyq Nıkola Kachıchpen kezdesti. Qazaqstandyq-germanıalyq jup 7:5, 6:2 esebimen jeńiske jetti. Atalmysh dýet 1 saǵat 16 mınýtqa sozylǵan machta 3 eıs jasap, 6 breık-poınttyń tórteýin paıdalandy. Qarsylastary 1 eıs, 1 breıkpen shekteldi. A.Golýbev pen A.Mes úshinshi aınalymda shırek fınalǵa shyǵý úshin osy týrnırdiń 3-raketkalary, fransıalyqtar Per-Úg Erber – Nıkolá Maıýmen talasady. Qazaqstan áıelder quramasynyń kapıtany Iaroslava Shvedova aralas juptyq synda fransıalyq Fabrıs Martenmen shırek fınalǵa shyqty. Olar bastapqy kezdesýinde dodanyń 7-raketkalary, taıbeılik Chan Hao-CHın – jańazelandıalyq Maıkl Vınýsty 6:4, 3:6, 10:7 esebimen utty. Qazaqstandyq-fransıalyq jup ekinshi aınalymda amerıkalyqtar Sachıa Vıkerı – Natan Pashamen kúsh synasty. Bul joly da Shvedova men Marten sýper taı- breıkte jeńisti julyp aldy – 6:4, 4:6, 11:9. Ia.Shvedova men F.Marten jartylaı fınalǵa shyǵý úshin ýkraınalyq Daıana Iastremskaıa – aýstralıalyq Maks Pórselmen sheberlik baıqasady. Taǵy bir qazaqstandyq Galına Voskoboeva serbıalyq Nıkola Kachıchpen birge bastapqy kezdesýinde horvatıalyq Dará Iýrak pen nıderlandylyq Matve Mıddlkopty 6:2, 3:6, 10:8 esebimen jeńdi. Degenmen ekinshi aınalymda dodanyń 3- raketkalary, chılılik Aleksa Gýarachı – ulybrıtanıalyq Nıl Skýpskıge 7:6 (7:4), 1:6, 8:10 esebimen jol berip, shırek fınalǵa óte almaı qaldy.
Eske sala keteıik, budan buryn US Open týrnırinde Elena Rybakınanyń tórtinshi aınalymǵa shyǵa almady. Zarına Dıas pen Andreı Golýbevtiń juptyq synda ekinshi aınalymǵa ótti. Zarına Dıas reseılik Varvara Grachevamen birge ekinshi aınalymda chehıalyqtar Marıa Boýzkova – Lýsıa Gradeskaıamen kezdesedi.