Budan buryn elimizde aıaq kıimderdiń tańbalanatyn merzimi týraly habarlaǵanbyz.
Qazaqstanda taýarlardy tańbalaý úderisi qarqyn alýda, dep habarlaıdy Almaty-akshamy.kz
«Atameken» UKP-nyń málimetinshe, 2020 jyldyń 1 qazanynan bastap Qazaqstanda satylatyn barlyq temeki ónimderinde, sondaı-aq elektrondyq sıgaretterdiń stıkterinde Data Matrix kody belgilenýi kerek. Bul kodta taýar týraly búkil aqparat – óndirýshi, ımporter, partıanyń serıalyq nómiri jáne basqa da málimetter qamtylady. Bul shara taýardyń qozǵalýyn qadaǵalaý úshin qolǵa alynyp otyr. Bir býma temeki túpki tutynýshyǵa jetken kezde ony 2D-skaner kómegimen aınalymnan shyǵarý kerek.
«Tańbalaý júıesinde ótkizý-qabyldap alý aktilerin mindetti rastaý prosedýrasy alynyp tastalady. Bul norma bıznes úshin erikti formaǵa aýysady. 2D-skanerge keletin bolsaq, onyń quny shamamen 25 000 teńge. Onyń Naqty Sauda Kassa atty mobıldi qosymsha retindegi tegin balamasy da bar», – dep atap ótti Memlekettik kirister komıtetiniń ókili Nurdáýlet Oryntaı.