Jyraqta júrgen qandastar elge jetti
Aýǵanstandaǵy qazaqtar elge jetkizildi, dep habarlaıdy Almaty-akshsmy.kz QazAqparat saıtyna silteme jasap.
«Memleket basshysy Q.K.Toqaevtyń tapsyrmasy boıynsha búgin Aýǵan elinde turatyn bir top qazaq qandasymyz elimizge sátti evakýasıalandy. Kabýldan Almatyǵa arnaıy reıspen 35 qandasymyz, 4 Qazaqstan azamaty jáne BUU-nyń 1 qyzmetkeri jetkizildi. Prezıdent dıplomattarymyzǵa jáne ıgi isti uıymdastyrýǵa atsalysqan barlyq vedomstvo qyzmetkerlerine alǵys aıtty», - dep jazdy Berik Ýálı Facebook-tegi paraqshasynda.
Eske sala ketsek, QR Prezıdenti Qasym-Jomart Toqaev jańadan taǵaıyndalǵan tótenshe jáne ókiletti elshileriniń Qazaqstan Prezıdentine senim gramotasyn tapsyrý rásiminde Aýǵanstandaǵy qazaq dıasporasyn elge qaıtarý máselesin qarastyryp jatqanyn málimdegen edi. 20 tamyzda QR SİM Halyqaralyq aqparat komıteti tóraǵasynyń orynbasary – baspasóz hatshysy Aıbek Smadıarov Aýǵanstandaǵy qandastardy elge ákelý jumysy qaı satyda ekenin aıtqan bolatyn.