Bıyl halyqaralyq ANADOLU teatr syılyǵy jetinshi ret berilip otyr
N.Jantórın atyndaǵy Mańǵystaý oblystyq mýzykalyq drama teatrynyń dırektory Gúlsına Merǵalıeva Qazaqstan teatr óneri qaıratkerleriniń arasynda alǵashqy bolyp TÚRKSOIdyń halyqaralyq ANADOLU teatr syılyǵyna ıe boldy, dep habarlaıdy Almaty-akshamy.kz
«Mańǵystaý medıa» saıty marapatty tabystaý sharasy Ystambuldyń Sý Gesterı Sanatlary sahnasynda bolǵany jaıly jazǵan. Sharaǵa Túrkıanyń 27 qalasynan jáne 10 shetelden kelgen teatr qaıratkerleri bas qosty.
Bıyl halyqaralyq ANADOLU teatr syılyǵy jetinshi ret berilip otyr. Qazylar alqasy aldymen 2019-2021 jyldar aralyǵyndaǵy túrik jáne shetel teatr óneriniń damý kórsetkishterin saralaǵan. Osylaısha belsendi shyǵarmashylyq izdenisi jáne isker uıymdastyrýshylyq qyzmeti, túrki áleminiń teatr keńistigine úles qosqan mádenıet qyzmetkerlerin tańdaǵan.