Nýtrısıolog: qyzylsha qan qysymyn túrsirip, baýyrdy nyǵaıtady
Nýtrısıolog qyzylshany qalaı tutyný kerektigi jóninde aıtty. Keıbir aýrýlarmen kúreste qyzylsha - paıdasy mol ámbebap kókónis. Onyń quramynda qaterli túzilisterdiń ósýin baıaýlatatyn kúshti antıoksıdant – betasıanın pıgmenti bar. Qyzylsha arterıaldy qan qysymyn túsirip, tamyrlardy nyǵaıtyp, aǵzadaǵy artyq suıyqtyqty shyǵarýǵa kómektesip, baýyrdyń jumysyn jaqsartady, dep habarlaıdy Almaty-akshamy.kz tilshisi 360tv.ru saıtyna silteme jasap.
Bul týraly reseılik nýtrısıolog Anna Drobysheva aıtty.
Sonymen birge, nýtrısıologtyń aıtýynsha, pisken qyzylsha kálsıdiń tolyqtaı sińýine kedergi jasaıdy. Sondyqtan osteoparozǵa beıim adamdarǵa ony qoldanýdan bas tartqan jón.
Qyzylsha shyrynynyń da paıdasy mol, biraq ony syǵyp alǵannan keıin eki saǵat qoıyp qoıý kerek. Sondaı –aq, shyrynnyń 50 mıllılıtrin 1:4 ara qatynasynda sýmen aralastyrý kerek.
Nýtrısıologtyń sózinshe, qyzylshany asqazan-ishek joly aýrýlarynyń asqynǵan kezeńderinde, qant dıabeti kezinde jáne gıpotonıada qoldanýǵa bolmaıdy.