Baǵdarlamada Qazaqstandaǵy Daǵdarys ortalyqtary týraly aqparatty, zańnamalyq-quqyqtyq bazany jáne alǵashqy medısınalyq jáne psıhologıalyq ózine-ózi kómek kórsetý tásilderin tabýǵa bolady
Aqtóbe NZM 11-synyp oqýshysy Aıan Qaıyrbek kez kelgen zorlyq-zombylyqtan qutqara alatyn UmaiAsar atty qosymsha jasap shyǵardy, dep habarlaıdy Almaty-akshamy.kz.
Siz qosymshany Android-tan júkteı alasyz, kirgen kezde úsh senimdi nómirdi engizip, geolokasıaǵa kirýge ruqsat berýińiz kerek. Qaýipti jaǵda osy derekter arqasynda adam SOS habarlamasyn jaqyn adamdaryna kómek surap jibere alady jáne olar dabyl bergen adamnyń ornalasqan jerin kóredi.
Qosymshany ázirleý barysynda avtor İİM men TJM-ge habarlasqan, ol habarlamalardy 102 nemese 112-ge tikeleı jibergisi kelgen. Ókinishke qaraı, bul fýnksıa tehnıkalyq turǵydan qoljetimdi emes, biraq eger múmkindik týyp jatsa Aıan ony qosýǵa daıyn.
«Mundaı oı 2020 jyly karantın kezinde paıda boldy. Óıtkeni, otbasylarda zorlyq-zombylyq jaǵdaılary jıilep ketti. Mobıldi qosymshany jaqsartý úshin men derekterdi senimdi kózderden jınadym: Konstıtýsıa, qylmystyq, ákimshilik kodekster. UmaiAsar qosymshasy arqyly oqıǵanyń basynda nemese ortasynda senimdi adamdarǵa habarlasýǵa kómektesedi. Tek bir túımeni basyp habarlasa alasyń. Habarlasap, birneshe mınýt habar kútip otyrmaısyń. Qaýip tóngen jaǵdaıda ár sekýnd mańyzdy», - dedi oqýshy.
Sondaı-aq, baǵdarlamada Qazaqstandaǵy Daǵdarys ortalyqtary týraly aqparatty, zańnamalyq-quqyqtyq bazany jáne alǵashqy medısınalyq jáne psıhologıalyq ózine-ózi kómek kórsetý tásilderin tabýǵa bolady.
Naýryz qarsańynda aqtóbelik oqýshy Túrkistanda el Prezıdenti Qasym-Jomart Toqaevpen kezdesýge barady. İs-sharaǵa elimizdiń barlyq qalasynan balalar ózderiniń biregeı jobalaryn kórsetý úshin barady dep josparlanyp otyr.