Atameken» ulttyq kásipkerler palatasy eldegi tártipsizdikter kezinde bıznestiń qansha zardap shekkenin atady, dep habarlaıdy Almaty-akshamy.kz QazAqparatqa silteme jasap.
«9 qańtar, saǵat 09.00-degi jaǵdaı boıynsha, sall-ortalyqqa 2320 qońyraý kelip tústi. Onyń ishinde: tonaý máseleleri boıynsha – 1127, fors-major boıynsha – 26, blok-beketter boıynsha – 2, jeke tulǵalardyń qońyraýlary boıynsha – 1052 ótinish berildi.
Elimizdiń 10 óńirinde 1351 obektide ornalasqan 1181 bıznes nysany zardap shekken. Onyń ishinde Almatyda – 1091 obektide ornalasqan 935 sýbekt bar», - delingen palatanyń baspasóz qyzmeti taratqan málimette.
Kásipkerler palatasynyń aqparaty boıynsha, saýda salasynda – 1122; qoǵamdyq tamaqtandyrý salasynda – 17; qarjy sektorynda – 31, logıstıka salasynda – 8 nysan zardap shekken.
«Zalaldyń jalpy somasy, shamalap esepteýler boıynsha, 92,3 mlrd teńgeden asty. Almatydaǵy shyǵyn 90,7 mlrd teńge kóleminde», - dep jazylǵan «Atameken» málimetinde.