Almatyda basbuzarlar jedel járdem kóligine kedergi jasap, medısına qyzmetkerlerine zaqym keltirip, áleýmettik nysandardy qıratyp jatyr. Bul týraly Almaty qalasy Komendatýrasynyń aqparattyq ortalyǵy málim etti, dep habarlaıdy Almaty-akshamy.kz QazAqparatqa silteme jasap.
Almaty qalasy Qoǵamdyq densaýlyq basqarmasynyń málimetinshe, agressıvti azamattar megapolıstiń emhanalary men aýrýhanalaryna kirip, medısınalyq mekemelerdiń múlikteri men jabdyqtaryna zıan keltirýde.
«Zańsyz áreketterdiń saldarynan jedel járdemniń 5 qyzmetkeri, onyń ishinde 2 júrgizýshi men 3 medısına qyzmetkeri zardap shekti. Zardap shekkender qalalyq stasıonarlarǵa jetkizildi», – delingen habarlamada.
Sonymen qatar, 2 jedel járdem kóligi joıylyp, Qalalyq kardıologıalyq ortalyqta qabyldaý bólmesi men klınıkalyq-dıagnostıkalyq bólimsheniń áınekteri synǵan.
«Almaly aýdanynyń AMSK ǵımaratynda vandalızm aktisi tirkeldi. Naýryzbaı aýdanynda №7 QKA qabyldaý bólmesine pasıentpen jedel járdem kóliginiń qatynaýy toqtatyldy. Sonymen qatar, destrýktıvti áreketterdi jaqtaýshylar jedel járdem kóligin toqtatyp, balalardy aýrýhanalarǵa jatqyzýǵa jol bermeıdi», – dep habarlady basqarmadan.
Bul áreketter pasıentterge ýaqtyly medısınalyq kómek kórsetýge kedergi keltiredi jáne azamattardyń densaýlyǵy men ómirine qaýip tóndiredi.