Áleýmettik joba aıasynda arnaıy qor jumys isteıdi.
Qazaqstan Úkimeti radıkaldy dinı ıdeologıany ustanýshylarmen ońaltý jumystaryn júrgizý maqsatynda respýblıka boıynsha arnaıy jobany iske asyrmaq. Osy maqsatta «AQNIET» qory elimizdiń barlyq óńirlerinde jumys isteıtin bolady, dep habarlaıdy Almaty-akshamy.kz.
«Jobanyń basty maqsaty - Qazaqstannyń barlyq óńirlerinde radıkaldyq ıdeologıadan zardap shekken nemese dinı sananyń radıkaldaný qaýpi bar aımaqtaǵy dinge senýshilermen túsindirý jáne ońaltý jumystarynyń biryńǵaı tásilderin engizý jáne qamtamasyz etý bolyp tabylady. Joba aıasynda Qazaqstannyń barlyq óńirlerinde «AQNIET» QQ ókildikteriniń arnaıy keńseleri ashyldy», - delingen Aqparat jáne qoǵamdyq damý mınıstrliginiń baspasóz qyzmetiniń habarlamasynda.
Qor mamandary dinge senýshilerge jáne olardyń aınalasyndaǵylarǵa kez kelgen qajetti kómekti kórsetýge daıyn. Rýhanı turǵyda týyndaǵan qıyndyqtar, ıakı qıyn ómirlik jaǵdaıǵa tap bolǵan (úıde, jumysta, oqý ornynda paıda bolǵan din negizindegi qaqtyǵystar, dinbasylarmen, memlekettik jáne quqyq qorǵaý organdarymen qaqtyǵystar) kez kelgen adam osy ortalyqtyń teologtary men psıhologtaryna júgine alady.
«AQNIET» QQ óńirlerdegi arnaıy ókildik keńseleriniń meken-jaılarynyń tizimi:
- Nur-Sultan qalasy, «Radýga» TK, Qabanbaı batyr dańǵyly, 5/1 úı, VP-2;
- Aqtaý qalasy, № 28 sh.a., 46/5 úı, 2-qabat, № 2-B-5, 2-B-6, 2-B-7 kab.;
- Aqtóbe qalasy, M.Ospanov kóshesi, 52/2 úı;
- Almaty qalasy, Almaly aýdany, Qarasaı batyr kóshesi, 187/4 úı;
- Atyraý qalasy, Ýálıhanov kóshesi, 13 úı, B blogy, 3A bólme;
- Jezqazǵan qalasy, Amralın kóshesi, 3 úı;
- Kókshetaý qalasy, Sabataev kóshesi, 138/np 80 úı, № 2 keńse;
- Qostanaı qalasy, Amangeldi kóshesi, 127 úı;
- Qyzylorda qalasy, Syrdarıa sh.a., 19 úı;
- Pavlodar qalasy, Toraıǵyrov kóshesi, 64 úı, 1 keńse;
- Petropavl qalasy, Shýhov kóshesi, 16 úı;
- Taraz qalasy, Tóle bı kóshesi, 36B úı;
- Túrkistan qalasy, O.Musabekov kóshesi, 20A úı;
- Óskemen qalasy, Sátpaev kóshesi, 7 úı, 33 keńse;
- Oral qalasy, Abaı dańǵyly, 35/1 úı, 1 páter;
- Shymkent qalasy, B.Momyshuly dańǵyly, 127 úı, «Nur-Aman» BO, № 303, 305 kab.
«AQNIET» QQ Almaty oblysy boıynsha ókildiginiń jetekshisi Matkarımov Jeńis Ábıbýllauly, tel. 8(702)117-73-70.
«AQNIET» QQ Qaraǵandy oblysy boıynsha ókildiginiń jetekshisi Týlegenov Dýlat Rashıdovıch, tel. 8(747)955-15-24.