1,4 mln adam turatyn qalalarda 32 qala quraýshy kásiporyn jumys isteıdi
QR Premer-Mınıstri Álıhan Smaıylovtyń tóraǵalyǵymen ótken Ekonomıkany jańǵyrtý máseleleri jónindegi memlekettik komısıanyń otyrysynda monoqalalardy damytý jónindegi josparlar qaraldy, dep habarlaıdy primeminister.kz.
Ulttyq ekonomıka mınıstri Álibek Qýantyrov qazirgi ýaqytta respýblıkada 27 monoqala bar ekenin baıandady.
1,4 mln adam turatyn qalalarda 32 qala quraýshy kásiporyn jumys isteıdi.
2015 jyldan 2021 jylǵa deıin atalǵan eldi mekenderde ónerkásip óndirisiniń kólemi 6,3-ten 11,2 trln teńgege deıin ósti, bul - el boıynsha jalpy kórsetkishtiń 29 paıyzy.
Búgingi tańda 2,1 trln teńgege 86 «zákirli» jobanyń pýly qalyptastyryldy.
Bul jobalar monoqalalarda taý-ken metalýrgıa jáne hımıa ónerkásibi, aýyl sharýashylyǵy, qurylys, mashına jasaý jáne basqa salalarda 18 myńnan astam jumys ornyn ashty.
Jalpy, olardy odan ári damytý úshin turǵyn úı qory men ınjenerlik ınfraqurylym obektilerine kúrdeli jóndeý júrgizýge búdjetten bólinetin qarajattyń jyl saıynǵy lımıtin ulǵaıtý, eldi mekenderdiń áleýmettik mańyzy bar problemalaryn sheshý boıynsha master-josparlar ázirleý, sondaı-aq jańa ınvestısıalyq jobalardy iske asyrý jónindegi jumysty jandandyrý usynylady.
Bul tásilder qoldaý tapty.
Osy oraıda Álıhan Smaıylov Memleket basshysy bekitken damý baǵdarlamalaryn oryndaý kezinde vedomstvoaralyq úılestirýdi kúsheıtý, sondaı-aq óńirlik ekonomıkany ártaraptandyrý jáne azamattardy jumyspen qamtý úshin keleshegi bar «zákirli» jobalardyń tizbesin ózektendirý qajettigin atap ótti.
Sonymen qatar otyrysta temirjol mashınasyn jasaý jáne agroónerkásip kesheni salalaryndaǵy ózekti máseleler qaraldy.