Transshekaralyq sýdy paıdalaný
QR Syrtqy ister mınıstrliginde Erekshe tapsyrmalar jónindegi Elshi Alekseı Volkovtyń Shveısarıanyń sý máseleleri jónindegi Arnaıy ókili Gı Bonvınmen kezdesýi ótti, dep habarlaıdy Almaty-akshamy.kz QazAqparat agenttigine silteme jasap.
Syrtqy saıası vedomstvo atap ótkendeı, taraptar Qazaqstandaǵy sý sharýashylyǵynyń qazirgi jaǵdaıy, Ortalyq Azıadaǵy sý salasyndaǵy óńirlik yntymaqtastyqtyń qazirgi ahýaly jáne halyqaralyq sý kún tártibine qatysty máselelerdi talqylady.
Alekseı Volkov Ortalyq Azıa elderiniń transshekaralyq sýdy paıdalaný salasyndaǵy qarym-qatynastarynyń damýyna erekshe nazar aýdardy.
Ol sý salasyndaǵy óńirlik yntymaqtastyqty nyǵaıtý isindegi Nur-Sultannyń belsendi ustanymyn, sondaı-aq osy baǵyttaǵy qazaqstandyq basshylyqtyń kúsh-jigerin atap ótti.
Sonymen qatar, otandyq dıplomat óńirlik yntymaqtastyqtyń, sonyń ishinde sý salasyndaǵy yntymaqtastyqtyń odan ári nyǵaıýyna Qazaqstanda damýǵa resmı kómektiń ulttyq operatory bolyp tabylatyn jańadan qurylǵan KazAID uıymynyń róli men áleýetin atap ótti.