Prezıdentter eki el arasyndaǵy strategıalyq seriktestik pen yntymaqtastyqty nyǵaıtýǵa nıetti ekenin taǵy da rastady.
Memleket basshysy Qasym-Jomart Toqaev Ózbekstan Prezıdenti Shavkat Mırzıóevpen telefon arqyly sóılesti, dep habarlaıdy Almaty-akshamy.kz Aqordaǵa silteme jasap.
Áńgimelesý barysynda Memleket basshysy Qasym-Jomart Toqaev Prezıdent Shavkat Mırzıóevti Ózbekstan Respýblıkasynyń Konstıtýsıasyna ózgerister engizý jónindegi jalpyhalyqtyq referendýmnyń sátti ótýimen quttyqtady.
Qasym-Jomart Toqaev jalpyulttyq tańdaý erkiniń qorytyndysy Prezıdent Shavkat Mırzıóevtiń strategıalyq baǵdaryna ózbek halqynyń zor senim bildirip, qoldaǵanynyń dáleli ekenin atap ótti.
Qazaqstan men Ózbekstan prezıdentteri eki el arasyndaǵy strategıalyq seriktestik pen yntymaqtastyqty nyǵaıtýǵa nıetti ekenin taǵy da rastady.
Memleketter basshylary qazaq-ózbek qatynastarynyń qarqyndy damyp kele jatqanyn atap ótip, buǵan deıin qol jetkizilgen ýaǵdalastyqtardy júzege asyrý máselesin talqylady.
Sondaı-aq prezıdentter aldaǵy ýaqytqa josparlanǵan is-sharalar kestesin qarastyrdy.