Almaty máslıhatynyń eks-depýtaty 21 sáýirge deıin qamaýda bolady
Almaty máslıhatynyń burynǵy depýtaty Qaırat Qudaıbergendi qamaýda ustaý merzimi taǵy uzartyldy, dep habarlaıdy Almaty-akshamy.kz Almaty sotynyń baspasóz qyzmetine silteme jasap.
Almaty máslıhatynyń eks-depýtaty 21 sáýirge deıin qamaýda bolady.
"Almatynyń mamandandyrylǵan aýdanaralyq tergeý sotynyń 2023 jylǵy 16 naýryzdaǵy qaýlysymen sotqa deıingi tergep-tekserý organynyń ótinishhaty qanaǵattandyrylyp, materıaldarmen tanysý kezeńinde qamaýda ustaý merzimin uzartýǵa sanksıa berildi. Qaırat Qudaıbergenge qatysty qylmystyq isti bir aıǵa, ıaǵnı 2023 jylǵy 21 sáýirge deıin", - delingen habarlamada.
2022 jylǵy 22 sáýirde Almaty máslıhatynyń depýtaty jappaı tártipsizdikti uıymdastyrdy jáne oǵan qatysty degen kúdikpen ustalǵan. Qamaý merzimi birneshe ret uzartyldy. Keıin Qaırat Qudaıbergen Amanat partıasynan shyǵarylyp, depýtattyq mandatynan aıyryldy.
18 mamyrda Qaırat Quraıbergenniń advokaty Ásentaı Aqaev Sybaılas jemqorlyqqa qarsy qyzmet vedomstvoaralyq tergeý tobynyń qyzmetkerine qatysty qylmystyq is qozǵaǵanyn habarlady. Qaırat Qudaıbergenniń aıtýynsha, ol tergeý ızolátorynyń kamerasynda ar-namysy men qadir-qasıetin qorlap, qysym kórsetken.
22 shildede Qaırat Qudaıbergen COVID-19 juqtyrǵan. Advokat bultartpaý sharasyn ózgertý týraly ótinish bergenimen, ol qanaǵattandyrylmady.