Kezdesýde yntymaqtastyqtyń damýyna oń baǵa berildi.
Memleket basshysy Qasym-Jomart Toqaev «CLAAS Group» kompanıasy Baqylaý keńesiniń tóraǵasy Katrına Klaas-Múlhoızerdi qabyldady, dep habarlaıdy Almaty-akshamy.kz Aqordaǵa silteme jasap.
Qasym-Jomart Toqaevpen kezdesý barysynda Katrına Klaas-Múlhoızer Qazaqstanda aýyl sharýashylyǵy tehnıkasy óndirisin keńeıtý jónindegi josparlary týraly aıtty. «CLAAS Group» kompanıasy byltyr Petropavlda kombaındardy, traktorlardy, egis keshenderin jáne astyq jınaý mashınalaryn qurastyratyn zaýytty iske qosty. Búginge deıin ónimdiligi joǵary kombaındardy qosqanda 400-den asa tehnıka qurastyryldy.
Sondaı-aq Prezıdentke aýyl sharýashylyǵy tehnıkasy men onyń quramdas bólikteri óndirisin oqshaýlaý sharalary týraly baıandaldy.
Memleket basshysy elimizdiń agroónerkásip kesheniniń aıtarlyqtaı áleýetin atap ótip, aýyl sharýashylyǵy tehnıkasy parkin jańartý men jergilikti qamtýdy arttyrýdyń mańyzdy ekenin aıtty.