Bul týraly usynysty qazir Sıfrlyq damý mınıstrligi qarastyryp jatyr.
Básekelestikti qorǵaý jáne damytý agenttigi Sıfrlyq damý, ınovasıalar jáne aeroǵarysh ónerkásibi mınıstrligine baılanys qyzmetterin kórsetý qaǵıdasyna azamattardyń quqyǵyn qorǵaý maqsatynda ózgerister engizý týraly usynys joldady, dep habarlaıdy Almaty-akshamy.kz
Buǵan deıin Básekelestikti qorǵaý jáne damytý agenttigi (BQDA) uıaly baılanys operatorlarynyń tarıftik josparǵa engizilgen qyzmetter kólemin birjaqty ózgertý áreketterine qatysty azamattardan ótinishter túsken.
"Materıaldardy taldaǵannan keıin uıaly baılanys operatorlary tarıftik josparǵa engizilgen qyzmetter kólemine abonentter suranysyna ıe bolmaıtyn shamaly ózgertýler engizetini anyqtaldy. Bul rette tarıftik jospardyń quny kóteriledi", - delingen BQDA habarlamasynda.
Osyǵan baılanysty Básekelestikti qorǵaý jáne damytý agenttigi baılanys salasyndaǵy ýákiletti organǵa belgili bir usynystar ázirledi. Atap aıtqanda, usynys - aqylǵa qonymdy shyǵyndarǵa baılanysty onyń qunyn kóterýdi qospaǵanda, uıaly baılanys operatorlarynyń tarıftik jospar sharttaryn ózgertýge tyıym salýdy belgileý.
Maqsat – uıaly baılanys operatorlarynyń abonentterge talap etilmegen qyzmet kóleminiń baǵasyn tańýyn boldyrmaý.
"Usynystar operatormen shart jasasý kezinde olar kelisilgen tarıftik josparlardyń sharttaryn paıdalanýǵa quqyly tutynýshylardyń quqyǵyn qorǵaý maqsatynda ázirlendi. Óz kezeginde tarıftik josparynyń sharttarymen qanaǵattanbaǵan adam qolaıly sharttary bar basqa tarıftik josparǵa aýysýǵa quqyly", deıdi QR BQDA baspasóz qyzmeti.