Qarashanyń úshinshi jeksenbisi aýyl sharýashylyǵy, tamaq jáne óńdeý ónerkásibi qyzmetkerleri kúni
QR Prezıdent Qasym-Jomart Toqaev agroónerkásip kesheni eńbekkerlerin kásibı merekesimen quttyqtady, dep habarlaıdy Almaty-akshamy.kz.
«Agroónerkásip kesheni eńbekkerlerin kásibı merekesimen quttyqtaımyn! Bul – Qazaqstannyń ekonomıkasy úshin strategıalyq mańyzy bar sala. Aýyl sharýashylyǵyna ozyq tehnologıalardy engizip, sektordyń básekege qabilettiligin arttyrý – memlekettiń basty mindeti», - dep jazdy Prezıdent Twitter -degi paraqshasynda.
Eske sala ketsek, qarashanyń úshinshi jeksenbisinde aýyl sharýashylyǵy, tamaq jáne óńdeý ónerkásibi qyzmetkerleri kúni atalyp ótedi.
Aýylsharýashylyq salasy qyzmetkerleriniń kásibı merekesin atap ótý dástúri keńes zamanynan beri saqtalǵan. 1988 jyly KSRO Joǵarǵy keńesi prezıdýmynyń jarlyǵymen qarashanyń úshinshi jeksenbisi Aýyl sharýashylyǵy jáne óńdeý ónerkásibi qyzmetkerleri kúni dep bekitilgen.
Táýelsiz Qazaqstan dástúrdi saqtap, 1998 jyly merekeni atap ótý datasyn zańnamalyq deńgeıde qarashanyń úshinshi jeksenbisine bekitken. Kásibı merekeni qazaqstandyqtarmen birge Ýkraına jáne Belarýs elderiniń aýylsharýashylyq qyzmetkerleri de atap ótýde.