Arnaıy kameralarmen jabdyqtalǵan polısıa kólikteri jol júrý erejesin buzǵandardy tirkeıdi
Almaty oblystyq Polısıa departamenti jol qaýipsizdiginiń aldyn alý jumystarynyń tıimdiligin arttyrý maqsatynda 20 qyzmettik kólikke arnaıy qurylǵy ornatylǵanyn málimdedi.
«Aparattyq-baǵdarlamalyq keshen foto jáne vıdeo jazýǵa, kólik quraldarynyń jyldamdyǵyn ólsheýge, kóliktiń memlekettik nómirin tanýǵa, jalpy kólik apatyna ákeletin jol qozǵalysy erejelerin buzǵandardy anyqtaýǵa arnalǵan», - dep atap ótti Almaty oblystyq Polısıa departamentiniń basshysy Baýyrjan Álenov.
Qurylǵy joldaǵy jáne turaqtaǵy kólikterdiń nómirin avtomatty túrde tanıdy, alynǵan derekter Bas prokýratýranyń janyndaǵy ákimshilik quqyq buzýshylyqtardyń biryńǵaı tizilimine jiberiledi.