Memleket basshysynyń Jarlyǵymen Asaıyn Qýandyquly Baıhanov Pavlodar oblysynyń ákimi laýazymyna taǵaıyndaldy, dep habarlaıdy Almaty-akshamy.kz akorda. kz silteme jasap.
QR Premer-Mınıstri Álıhan Smaıylov pen QR Prezıdenti Ákimshiliginiń basshysy Murat Nurtileý jumys saparymen Pavlodar oblysyna baryp, óńirdiń barlyq deńgeıdegi máslıhattar depýtattarynyń jınalysyna qatysty.
Álıhan Smaıylov Memleket basshysynyń óńir ákimi laýazymyna Asaıyn Qýandyquly Baıhanov men Serik Barlybaıulynyń Batyrǵojınov kandıdatýralaryn qaraýǵa engizý týraly hatyn oqydy.
Ashyq daýys berý kezinde 177 depýtattyń 135-i A.Baıhanovqa, 42 depýtat S.Batyrǵojınovke daýys berdi.
Asaıyn Qýandyquly Baıhanov 1977 jyly Pavlodar oblysy, Baıanaýyl aýdanynda dúnıege kelgen. 2000 jyly Pavlodar ýnıversıtetin «Ekonomıka jáne menedjment» mamandyǵy boıynsha támamdaǵan. 2005-2006 jyldary European Bank for Reconstruction and Development (EBRD) jáne «ProCredit Holding AG» nemis halyqaralyq bank holdıńiniń Korporatıvtik kvalıfıkasıa arttyrý ortalyǵynda bilimin jetildirgen. 2017 jyly M.V. Lomonosov at. Máskeý memlekettik ýnıversıtetinde «Strategıalyq menedjment jáne kásipkerlik» boıynsha MVA dárejesin aldy.
Eńbek jolyn 2000 jyly bank sektorynda Eýropa qaıta qurý jáne damý bankiniń (EBRD) ofısi Qazaqstanda júzege asyrǵan Qazaqstannyń shaǵyn bıznesi baǵdarlamasy boıynsha bastaǵan. Asaıyn Baıhanov Ekibastuz qalasyndaǵy kredıt sarapshysy retindi taǵylymdamadan bastap, EBRD Baǵdarlamasynyń Almaty qalasyndaǵy bas ofısiniń jańa bank ónimderin engizý bóliminiń basshysyna deıin qyzmet atqardy. Osy aralyqta Eýropa qaıta qurý jáne damý bankiniń Qazaqstanda jáne shetelde uıymdastyrylǵan túrli oqytý semınarlary men kópdeńgeıli bilim berý baǵdarlamalarynan ótken.
2003 jyldan 2007 jylǵa deıin «ProCredit Holding AG» nemis halyqaralyq bank holdıńinde birqatar basshylyq laýazymdarynda qyzmet atqarǵan. Kıev qalasyndaǵy «ProKredıt Ýkraına» JAO-nyń atqarýshy dırektory bolǵan. 2007 jyly A. Baıhanov Qazaqstanǵa «Nurbank» AQ Basqarma basshysy orynbasary qyzmetine oralyp, banktiń fılıaldyq jelisin keńeıtý, agrarly sala men shaǵyn jáne orta bıznesti nesıeleý baǵyttary boıynsha jumys jasady.
2009-2015 jyldar aralyǵynda jeke sektorǵa aýysyp, aýylsharýashylyǵy salasynda kásipkerlikpen aınalysqan. Mal sharýashylyǵy, ósimdik sharýashylyǵy, Almaty jáne Almaty oblysynda logıstıka men júk tasymaly boıynsha birqatar nátıjeli bıznes-jobalardy iske asyrǵan.
2015-2020 jyldar «KazAgro» Ulttyq basqarma holdıńi» AQ tobyndaǵy «KazAgroÓnim» AQ kvazımemlekettik kompanıasynyń Basqarma basshysynyń orynbasary boldy. Bul aralyqta aýylsharýashylyǵyndaǵy túrli memlekettik baǵdarlamalardy ózgertý jáne aýylsharýashylyǵy ónimderin eksporttaý boıynsha maqsatty ındıkatorlarǵa qol jetkizý boıynsha jumys toptarynda jumys istep, olardy basqardy.
2020 jylǵy naýryzdan bastap jańa taǵaıyndaýǵa deıin Pavlodar oblysy ákiminiń orynbasary laýazymynda eńbek etti. Aýyl sharýashylyǵy, aýyldyq aımaqtardy damytý, jer qoınaýyn paıdalaný, qorshaǵan orta men sý resýrstary, jer qatynastary, áleýmettik qorǵaý jáne sport máselelerine jetekshilik etti.
2021 jylǵy 19 shildede Pavlodar qalasynyń ákimi bolyp taǵaıyndaldy.