Bul týraly Óńirlik komýnıkasıalar qyzmetinde ótken brıfıńte Almaty qalasynyń sanıtarlyq-epıdemıologıalyq baqylaý departamentiniń basshysy Qasymhan Alpysbaıuly málim etti.
Sonmen birge ol birqatar juqpaly jáne parazıttik aýrýlar boıynsha epıdemıologıalyq jaǵdaı týraly baıandady. Epıdemıologıalyq jaǵdaı megapolıste turaqty, dep habarlaıdy Almaty-akshamy.kz.
Basqarma basshysynyń aıtýynsha, Almatyda 50-den astam qaýipti aýrýlar, onyń ishinde tyrysqaq, oba, sibir jarasy, gemorragıalyq qyzba, dıfterıa, qyzylsha, qyzamyq, sirespe t.b. tirkelmegen. Bul jaǵdaı epıdemıologtardyń baqylaýynda, bir qýantatyny, bul ınfeksıalar megapolıste taralmaǵan.
Nozologıalyq syrqattanýdyń 5 túri, sonyń ishinde etıologıasy anyqtalǵan jiti ishek ınfeksıasy, rotavırýsty ınfeksıa, anyqtalǵan koronovırýstyq ınfeksıa, anyqtalmaǵan koronovırýstyq ınfeksıa, JRVI boıynsha syrqattaný deńgeıiniń tómendeýi baıqalady.
Spıkerdiń aıtýynsha, qalada menıngokokty ınfeksıa, toksokarozlámblıoz, syrttan ákelingen bezgek jaǵdaılary (Ońtústik Afrıkadan), jáne tumaýdyń úsh jaǵdaıy tirkelgen.
Bas sanıtar dáriger tamaqtan ýlaný, botýlızm, lısterıoz, serozdy menıngıt, A vırýsty gepatıti, jiti V vırýsty gepatıti, kene ensefalıti, anyqtalǵan koronavırýs ınfeksıasy boıynsha jaǵdaı týraly baıandady. Bul jaǵdaıǵa qatysty syrqattanýdyń óskeni tirkelgen.
«Densaýlyq saqtaý uıymdarymen birlesip, barlyq ınfeksıa jáne parazıttik aýrýlar oshaqtarynda epıdemıaǵa qarsy sharalar ýaqytyly júrgizildi», - dep atap ótti Qasymhan Alpysbaıuly.
Megapolıstegi epıdemıologıalyq jaǵdaıǵa toqtalǵan SEBD basshysy qalada jiti respıratorlyq vırýstyq ınfeksıalardyń maýsymdyq ósýi baıqalǵanyn atap ótti. Máselen, ótken aptada JRVI-diń 28 586 jaǵdaıy tirkeldi. Onyń ishinde 69,1%-ynda balalardy (18649 jaǵdaı) qamtyǵan. Zerthanalyq monıtorıńke sáıkes, qalada rınovırýstar, RS vırýsy, paragrıpp vırýsy jáne maýsymdyq koronavırýs sıaqty jedel respıratorlyq vırýstyq ınfeksıalar taralǵan.
Ol ótken 2021-2022 j. epıdemıologıalyq maýsymda qalada A/H3N2 tıpti tumaý vırýsy (51 jaǵdaı), rınovırýstar, RS vırýsy, maýsymdyq koronavırýs sıaqty basqa da jiti respıratorlyq vırýstyq ınfeksıalar da qatar júrdi (tumaýdyń alǵashqy jaǵdaılary 2021 jyldyń qarasha aıynyń basynda 44 aptada tirkelgen).
«Jalpy, DDU-nyń epıdemıologıalyq jáne zerthanalyq derekterin eskere otyryp, aldaǵy 2021/2022 jylǵy epıdemıalyq maýsymda aınalymda tumaý vırýsynyń A (H1N1), A (H3N2) jáne V tıpti shtamdary ózekti bolady. Sondyqtan tumaýdyń aldyn alýdyń eń tıimdi ádisi - der kezinde oǵan qarsy vaksına alý. Tumaý vırýsy jyl saıyn mýtasıaǵa ushyraıdy, sondyqtan tumaýǵa qarsy vaksınany jyl saıyn epıdemıaǵa deıingi maýsymda qazan-qarasha aılarynda tek aǵymdaǵy shyǵarylǵan jylǵy vaksınamen ǵana alý kerek», - dep keńes berdi Almaty qalasynyń bas sanıtar dárigeri.
Vaksına alǵannan keıin ımýnıtet 14 kúnnen keıin qalyptasyp, tek qana maýsym boıy saqtalady (1 jylǵa deıin). Qaýipsiz jáne tıimdi vaksınalar qoljetimdi jáne 60 jyldan astam ýaqyt boıy qoldanylyp keledi
Aǵymdaǵy jylda qaterli toptaǵy adamdarǵa jergilikti búdjetten Reseıde óndirilgen tumaýǵa qarsy úshvalenntiaǵymdaǵy jyldyń shtamy bar «Grıppol Plús» vaksınasynyń 130 000 dozasy satyp alyndy. Sonymen qatar qosymsha 80000 doza vaksına satyp alynady. Osylaısha, aǵymdaǵy epıdemıaǵa deıingi maýsymda satyp alynǵan vaksınanyń jalpy kólemi 210 000 dozany quraıdy.
Búgingi tańda tumaýǵa qarsy vaksınany 125 myńnan astam almatylyq aldy.