Qazaqstan boıynsha tuman túsip, jel kúsheıedi
«Qazgıdromet» RMK-sy naýryzdyń 20-sy kúngi kún raıy boljamyn jarıalady, dep habarlaıdy Almaty-akshamy.kz.
QR soltústik jartysynda, ońtústik-batysynda, ońtústik-shyǵysynda, shyǵysynda sıklon jyrasynyń jáne, frontaldy bólikterdiń áserinen jaýyn-shashyn bolady.
Elimizdiń batysynda, ońtústiginde jáne ortalyǵynda antısıklon jotasynyń yqpalymen kún jaýyn-shashynsyz bolady. Qazaqstan boıynsha tuman túsip, jel kúsheıedi, ońtústik jartysynda kóktaıǵaq bolyp, soltústik pen shyǵysynda jaıaý burqasyn soǵady.
Kúndiz Aqmola oblysynyń soltústiginde, shyǵysynda jaıaý burqasyn, oblystyń ońtústiginde, shyǵysynda tuman, kúndiz soltústiginde, batysynda jel sekýndyna 15-20 metrge deıin kúsheıedi.
Kúndiz Qostanaı oblysynyń soltústiginde del sekýndyna 15-20 metr jyldamdyqpen soǵady, ekpini 23 m/s bolady, sondaı-aq jaıaý burqasyn soǵyp, shyǵysynda jáne ońtústiginde tuman túsedi.
Túnde jáne tańerteń Soltústik Qazaqstan oblysynyń ońtústik-batysynda tuman túsip, kúndiz oblystyń soltústiginde, batysynda jyldamdyǵy sekýndyna 15-20 metrge, ekpini 23 metrge jetedi.
Almaty oblysynyń ońtústiginde jáne taýly aýdandarynda tuman túsip, oblystyń shyǵysynda jyldamdyǵy sekýndyna 17-22 metrge jetedi.
Jambyl oblysynyń taýly aýdandarynda jel 15-20 m/s jyldamdyqpen soǵady. Túnde kóktaıǵaq bolyp, oblystyń soltústiginde, taýly aýmaqtarynda tuman túsedi. Tańerteń jáne kúndiz Mańǵystaý oblysynyń soltústiginde tuman túsip, kóktaıǵaq bolýy yqtımal.
Batys Qazaqstan oblysynyń soltústiginde, ońtústik-shyǵysynda, Atyraý, Aqtóbe oblystarynyń batysynda, soltústiginde, Pavlodar oblysynyń soltústiginde, túnde Shyǵys Qazaqstan, Qyzylorda oblystarynyń ortalyǵy men shyǵysynda tuman túsedi.