Zańǵa sáıkes, muǵalimder senbilik jumystarynan bas tarta alady
Muǵalimderdi mindetterinen tys jumystardy oryndaýǵa tartatyndar qatań jazalanady. Bul týraly OKQ brıfıńinde Bilim jáne ǵylym vıse-mınıstri Sholpan Qarınova málim etti, dep habarlaıdy Almaty-akshamy.kz
«Olardyń quqyqtaryn qorǵaıtyn «Pedagog mártebesi týraly» zań bar. Muǵalimniń senbilikke shyqpaýǵa quqyǵy bar. Zańǵa sáıkes, muǵalimder budan bas tarta alady», - dedi Sholpan Qarınova.
Ol buǵan deıin Bilim jáne ǵylym mınıstriniń osy másele boıynsha ustanymyn naqty aıtqanyn eske saldy.
«Biz muǵalimderdi ózine tán emes fýnksıalardy oryndaýǵa tartýǵa qarsymyz. Muǵalimderdi osy erekshe jumystarǵa tartatyndardyń barlyǵyna zań sheńberinde qatań jazalanatyn sharalar qabyldanatyn bolady. Muǵalimniń birinshi fýnksıasy - balalarǵa barlyq pánder boıynsha bilim berý. Oqytý, tárbıeleý – muǵalimniń negizgi qyzmeti. Basqa is-sharalarǵa pedagogtardy eshkim tartpaýy tıis», - dep málimdedi vıse-mınıstr.