Bul mektep formasyn shyǵarý baǵytyndaǵy otandyq óndiris kólemin arttyrýǵa yqpal etedi
Indýstrıa jáne ınfraqurylymdyq damý mınıstrliginde «Ashyq saǵat alańy» sheńberinde múddeli memlekettik organdarmen birlesip az qamtylǵan otbasylarǵa qarjylyq jáne materıaldyq kómek kórsetý qaǵıdalary boıynsha sıfrlyq platformany engizý máseleleri talqylandy, dep habarlaıdy Almaty-akshamy.kz.
Atalǵan jobany Memleket basshysy Qasym-Jomart Toqaevtyń otandyq jeńil ónerkásipti damytý aıasynda memlekettik tapsyrystardy mektep formasyn satyp alýǵa baǵyttaý tapsyrmasyna sáıkes júzege asyrý kózdelip otyr.
Indýstrıalyq damý komıtetiniń tóraǵasy İlıas Ospanovtyń basshylyǵymen ótken keńes barysynda jobany iske qosý máseleleri qarastyryldy. Atalǵan pılottyq jobany aldymen Astana qalasynda, keıin elimizdiń barlyq óńirinde engizý josparlanǵan.
«Qazirgi ýaqytta «Áleýmettik ámıan» platformasy arqyly ata-analarǵa belgili bir dúkenderde mektep formasyn satyp alýǵa kepilhat berý máselesi qarastyrylýda. Sondaı-aq otandyq taýar óndirýshilerge mektep formasyn satý úshin jeńildikti sharttarmen saýda núkteleri usynylǵany jón. Osyǵan baılanysty otandyq taýar óndirýshilerdiń tizilimin qalyptastyrý qajet, basty talaptardyń biri – ulttyq standarttarǵa sáıkes ónim óndirisin anyqtaý», – dep atap ótti İlıas Ospanov.
Joba nátıjesinde búdjet qarajatyn nysanaly maqsaty boıynsha jumsaýdyń ashyqtyǵy qamtamasyz etiletin bolady. Sondaı-aq mektep formasyn shyǵarý baǵytyndaǵy otandyq óndiris kólemin arttyrýǵa yqpal etedi.
Az qamtylǵan otbasylarǵa qarjylyq jáne materıaldyq kómek kórsetý qaǵıdalary sheńberinde kıim, aıaq kıim, mektep kerek-jaraqtaryn satyp alýǵa kómek ata-analardyń ótinishine sáıkes eń tómengi kúnkóris deńgeıinen tómen emes mólsherde aqshalaı beriletinin atap ótken jón.