Lývrdy tonaǵandar usaq buzaqylar bolyp shyqty, olar Fransıa astanasynyń kedeı aýdandarynyń birinde turady, dep habarlaıdy aqshamnews.kz
Ádepkide boljanǵandaı olardyń uıymdasqan qylmystyq topqa qatysy joq.
«Olardy bolmashy qaraqshalar toby deı almaımyz, alaıda joǵary uıymdasqan qylmystyq topqa da jatqyzbaımyz», - dedi Parıj prokýrory Lor Beko.
Onyń aıtýynsha, Lývrdy tonaýǵa qatysty ustalyp, aıyp taǵylǵan tórt adamnyń úsheýi er adam, biri áıel. Olar jergilikti turǵyndar, Parıjdiń soltústigindegi kedeı aýdan sanalatyn Sen-Denı mańynda turady.
Bekonyń sózinshe, tutqyndalǵan tórt adamnyń ekeýi birneshe ret sotty bolǵan.
Lývrdy tonaýǵa qatysty eki kúdiktige aıyp taǵyldy. Biri Sen-Denı mańynda ornalasqan Kýrnóv qalasynyń turǵyny 38 jastaǵy áıel, ekinshisi 37 jastaǵy er adam. Beko olardyń azamattyq nekede turatynyn jáne balalary bar ekenin aıtty, biraq basqa málimet bermedi. Kúdiktiler ózderiniń qylmysqa qatysy joq ekenin málimdegen.
Buǵan deıin bılik basqa eki kúdiktini ustaǵan edi. Olar 34 jastaǵy Aljır azamaty men 39 jastaǵy taksı júrgizýshisi. Quqyq qorǵaý organdarynyń málimetinshe, bul adamdar Lývrdy tonaýǵa qatysy bar ekenin ishinara moıyndaǵan.
Aıta keteıik, 19 qazanda Parıjdegi álemge áıgili Lývr mýzeıine ury túsken edi. Olar jalpy quny 88 mıllıon eýro bolatyn tarıhı jádigerlerdi qoldy etken.