Sapaly áleýmettik ınfraqurylym qalyptastyrý erekshe nazarda, dedi qala ákimi aýdan turǵyndarymen kezdesýde.
Oqýshy oryndarynyń tapshylyǵyn azaıtý úshin 2023 jyly №65 mektepke 300 oqýshyǵa arnalǵan jáne №9 arnaıy túzetý mektep-ınternatyna 120 oryndyq qosymsha qurylys salý aıaqtaldy. Ótken jyldyń jeltoqsan aıynda №145 gımnazıa kúrdeli jóndeýden keıin paıdalanýǵa berildi.
- №10, №70 mektepter men №138 gımnazıadaǵy kúrdeli jóndeý jumystary jalǵasýda. Jumystar jańa oqý jyly bastalǵanǵa deıin aıaqtalady.
- 2024 jyldyń ekinshi toqsanynda 450 oryndyq jańa korpýsyn sala otyryp, №73 mektepti seısmıkalyq kúsheıtý josparlanyp otyr.
- «Jaıly mektep» ulttyq jobasy aıasynda Egizbaev kóshesiniń boıynda 2500 oryndyq, Rozybakıev kóshesiniń boıynda 1500 oryndyq, Qojabekov kóshesiniń boıynda 2000 oryndyq 3 jańa mekteptiń qurylysy jalǵasýda, jumystary 2024 jyldyń sońynda aıaqtalady.
- Sonymen qatar, «RAMS Sıtı» turǵyn úı kesheniniń aýmaǵynda jańa oqý jyly bastalǵanǵa deıin 1100 oryndyq mekteptiń qurylysy aıaqtalady.