Polısıa azamattardy saq bolýǵa shaqyrady!
İİM-de ınternet-alaıaqtyqqa qarsy is-qımyl týraly aıtyldy, dep habarlaıdy aqshamnews.kz Polisia.kz-ke silteme jasap.
– Aqparattyq tehnologıalar men onlaın-qyzmetterdiń damýymen ınternette aqparat qoljetimdi. Bul ınternettegi alaıaqtyqqa ákelýde. Sońǵy jyldary bul jıi jasalatyn qylmysqa aınaldy, – dedi İİM krımınaldyq polısıa departamentiniń bastyǵy Qanat Nurmaǵambetov.
Mysaly, Qostanaı turǵyny DarkNet pen Telegram arqyly ınternet-alaıaqtyq jasaǵan. Qaskóı 1,5 mln teńgeden astam tabys tapqany anyqtaldy. Er adam “kardıngpen”, ıaǵnı bank kartalarynyń derektemelerin urlap jáne olardy qaıta satýmen, sondaı-aq aqshaǵa kompúterlik vırýstardy taratýdy úıretýmen aınalysqan. Qazir fıgýrant ustalyp, sottaldy.
– Shymkenttik alaıaq Instagram paraqshanyń dýblıkatyn jasap, balalardyń emine aqsha jınaý arqyly adamdardy aldaǵan. Osylaısha ol 32 mln teńge jınaǵan. Alaıaq ustaldy. Qamaýda, – dedi Qanat Nurmaǵambetov.
Vedomstvo kıberqylmystarǵa qarsy kúresti júıeli túrde júrgizedi. Sáýir aıynda Ýkraınanyń Odessa jáne Zaporoje qalalarynda ótken halyqaralyq arnaıy operasıa barysynda bes alaıaqtyq call-ortalyq joıyldy. Qaskúnemder qazaqstandyq azamattarǵa qatysty qylmys jasaǵan. 30-dan astam kúdikti ustaldy, qajetti is-sharalar júrgizilip jatyr.
Qyrkúıek aıynda jedel is-sharalardy ótkizý kezinde Almaty qalasynda tórt call-ortalyq joıylyp, 47 sheteldik ustaldy. Olar shet memleketterdiń azamattaryna qatysty alaıaqtyqpen aınalysqan. Tergeý sharalary júrgizilip, tárkilengen tehnıka tekserilip jatyr.
– Polısıa azamattardy saq bolýǵa shaqyrady. Bul baǵyttaǵy jumys jalǵasýda, – dedi polısıa polkovnıgi.