Fitch halyqaralyq reıtıń agenttigi Qazaqstannyń táýelsiz kredıttik reıtıńin «BBB» deńgeıinde rastady, boljam «Turaqty», dep habarlaıdy Almaty-akshamy.kz Inform.kz-ke silteme jasap.
Elimizdiń reıtıńisin qoldaıtyn negizgi faktorlar - qýatty fıskaldyq jáne syrtqy teńgerimder. Agenttik sarapshylarynyń pikirinshe, olar syrtqy kúızelisterge turaqtylyǵyn dáleldedi. Sondaı-aq, iri fıskaldy býferler syrtqy taza kredıtor mártebesin saqtaýǵa múmkindik berdi.
Taza sheteldik aktıvter boıynsha Qazaqstanǵa joǵary táýelsiz pozısıa berildi, ol 2021 jyldyń sońynda JİÓ-niń 37%-yn qurady.
Fitch esebinde atap ótilgendeı, qazaqstandyq bank sektorynyń kapıtal qory jetkilikti deńgeıde. 2022 jylǵy 3 toqsandaǵy jaǵdaı boıynsha jumys istemeıtin kredıtterdiń koefısıenti 4,6% qurady.
Sarapshylardyń pikirinshe, ulttyq valútadaǵy salymdar boıynsha joǵary paıyzdyq mólsherlemeler jáne basqa da birqatar sharalar depozıtterde qarajatty saqtap qalýǵa múmkindik berdi.
Jaqyn ýaqyttan beri reıtıńtiń negizgi faktorlarynyń qataryna ESG kórsetkishteri qosyldy.
«Nesıe berýshilerdiń quqyqtary» ındıkatory boıynsha 20 jyldan astam ýaqyt boıy memlekettik boryshty qaıta qurylymdaýǵa jol bermeý QR-dyń kredıttik qorjynyna oń áser etýde, - delingen Fitch esebinde.