Sebebi, alaıaqtar kóbeıgen.
Búgingi tańda, ókinishke qaraı, árkim óziniń jeke derekteriniń aqparattyq qaýipsizdigi týraly bile bermeıdi, sonyń saldarynan olar ony saqtamaıdy.
Medeý aýdandyq polısıa basqarmasynyń bastyǵy İlıas Ómirserikov eń kóp taralǵan alaıaqtyq tizbekteri týraly baıandady:
1. Qart adamdarǵa qatysty alaıaqtyq. Olar jábirlenýshilerdiń úı telefondaryna qońyraý shalý arqyly júzege asyrylady: alaıaqtar ózderin jaqyn týystary retinde tanystyryp, olarmen kenetten týyndaǵan jaǵdaıdy sheshý úshin aqsha aýdarý kerek ekenin habarlaıdy. Kóbinese másele jol-kólik oqıǵalary týraly bolyp otyr. Bul jaǵdaıda áńgimeni ózińiz toqtatqanyńyz durys.
2. Úlken dıvıdendter ýáde etetin onlaın jobalarǵa aqshalaı qarajat salý. Ádette, azamattardy krıptovalútalarǵa, aksıalarǵa, baǵaly metaldarǵa aqsha salýǵa kóndiredi jáne olar ártúrli elderdegi joq abonenttik nómirlerden jıi qońyraý shalyp, ınvestısıalaýdyń artyqshylyqtary týraly senimdi túrde aıtady. Kompanıanyń bedelin aldyn ala tekserińiz.
3. Bankten qońyraý shalady. Abonent ózin banktiń qaýipsizdik qyzmetkeri retinde tanystyrady jáne úshinshi adamdardyń sizdiń atyńyzǵa nesıe rásimdeý áreketi týraly habarlaıdy. Esińizde bolsyn! Bank qyzmetkerleri eshqashan sizdiń kartańyz týraly aqparatty suramaıdy, sondaı-aq uıaly telefonyńyzǵa jiberilgen kirý kodtaryn talap etpeıdi. Mundaı jaǵdaılarda telefonmen sóılesýdi toqtatyp, bank kartasynda nemese bank saıtynda kórsetilgen senimdi nómirge qaıta qońyraý shalý kerek.
Óte mańyzdy: – ártúrli messendjerler men áleýmettik jeliler arqyly sizge jiberiletin kúmándi siltemelerdi baspańyz jáne ártúrli saıttarǵa bank kartańyzdyń derektemelerin engizbeńiz, óıtkeni bul vırýstyq faıldar men jeke aqparatyńyzdy jınaýǵa arnalǵan qosymshalar bolýy múmkin, bolashaqta Sizdiń bank kartańyzdan ruqsatsyz tólemder úshin paıdalanylady jáne qaskóılerge mobıldi bankıngtegi qarajatyńyzǵa qol jetkizýge múmkindik beredi.
– Búginde Almaty polısıasy alaıaqtardyń búgingi kúni qalaı áreket etetini týraly aqparattyq paraqshalar men anımasıalyq beınerolıkterdiń birneshe nusqasyn ázirledi. Aqparattandyńyz demek qarýlandyńyz. Bul ónimder alaıaqtardyń eń tanymal qylmystyq tizbekterin egjeı-tegjeıli sıpattaıdy jáne ońaı aqshany jaqsy kóretinderdiń qýlyǵyna túspeý týraly keńester beredi. Maqsat – qoǵamdy qaskúnemderden qorǵaý jáne mundaı qylmystyq kórinisterdiń aldyn alý, – dedi İlıas Ómirserikov.