2023 jyldyń 10 aıynda 130 myńǵa jýyq jolaýshy «áıelder vagonynda» jol júrýdi tańdady.
Salystyryp aıtqanda, ótken jyly áıelder vagondarynda 114 myńnan astam adam jol júrgen, dep habarlaıdy almaty-akshamy.kz. 2021 jyldyń 3 aıynda elimizdiń ádemi jartysynyń neǵurlym jaıly jáne qaýipsiz saparyn qamtamasyz etý úshin qyzmet engizilgen sátten bastap 13 myńnan astam jolaýshy «áıelder vagonynda» saparlaǵan.
Búgingi tańda «áıelder vagony» 8 jolaýshylar poıyzy quramynda qatynap júr:
- №77/78 «Almaty – Mańǵystaý» №07 kýpe vagony;
- №351/352 «Almaty – Óskemen» №10 kýpe vagony.
- №45/46 «Pavlodar – Túrkistan» №09 kýpe vagony;
- №37/38 «Mańǵystaý – Semeı» №06 kýpe vagony;
- №47/48 «Atyraý – Astana» №06 kýpe vagony;
- №33/34 «Aqtóbe – Almaty-1» №06 kýpe vagony;
- №4/3 «Astana-Almaty-2» №17 kýpe vagony;
- №71/72 «Astana-SHymkent» №10 kýpe vagony.
«Áıelder vagonynda» jeti jasqa deıingi er jolaýshylardyń júrýine jol beriledi.
Aıta keteıik, «Jolaýshylar tasymaly» AQ jolaýshylar arasynda «áıelder vagonyń» engizý qajettiligi týraly onlaın saýalnama júrgizgennen keıin ǵana qyzmetti iske asyrdy. Saýalǵa jaýap qatqandardyń kópshiligi, atap aıtqanda 82% qoldap, 13% teris jáne 5% beıtarap jaýap bergen edi.