Qytaıdyń Úrimshi qalasynda Qazaqstan men Qytaıdyń týrısik áleýetin ilgeriletý jáne týrızm salasyndaǵy yntymaqtastyqty nyǵaıtý maqsatynda eki el arasyndaǵy týrısik forým ótti.
Forýmǵa QR Týrızm jáne sport mınıstrligi, «Atameken» UKP jáne jergilikti atqarýshy organdardyń, týrısik kompanıalardyń, týrısik ındýstrıa qaýymdastyqtarynyń ókilderi, sondaı-aq Qazaqstan men Qytaıdyń BAQ ókilderi qatysty, dep habarlaıdy almaty-akshamy.kz.
Qatysýshylar eki el arasyndaǵy týrızmdi damytý perspektıvalaryn talqylap, týrıserdi tartý boıynsha tájirıbe men ıdeıa almasty, sondaı-aq jańa týrısik marshrýttar qurý múmkindikterin qarastyrdy. Forým aıasynda eki eldiń týrısik kompanıalary men uıymdary arasyndaǵy yntymaqtastyq týraly birqatar kelisimge qol qoıyldy. Bul óz kezeginde týrısik salanyń damýyna jáne Qazaqstan men Qytaı arasyndaǵy týrıser aǵynynyń artýyna yqpal etedi. Forýmdaǵy sóz sóıleýi barysynda QR Týrızm jáne sport mınıstrligi Týrızm ındýstrıasy komıteti tóraǵasynyń m.a. Nurtas Káripbaev Qytaıdan Qazaqstanǵa keletin týrıser sany ósip kele jatqanyna jáne elderimiz arasynda osy salany odan ári damytý úshin kedergilerdiń bolmaýyna nazar aýdardy. Sondaı-aq osy saladaǵy ınvestısıalyq qyzmetti kúsheıtý úshin sheteldik qonaqtar men seriktesterdi tartý maqsatynda Qazaqstannyń týrısik múmkindikterin tanystyrdy. Atalǵan týrısik forýmnyń «Qytaıdaǵy Qazaqstan týrızmi jyly» qarsańynda ótkizilgeni mańyzdy qadam boldy. 28-29 naýryzda Beıjińde «Qytaıdaǵy Qazaqstan týrızmi jylynyń» ashylý rásimi, al jyl ishinde týrızm túrleri boıynsha birqatar taqyryptyq aptalar ótkizý, Qytaıdyń 7 iri qalasynda (Beıjiń, Sıan, Shanhaı, Úrimshi, Gonkong, Hanchjoý, Chendý) TOP-20 otandyq destınasıalardyń tusaýkeseri josparlanǵan.
