Bul sheshim baǵa turaqtylyǵyn qoldaý qajettigine negizdelgen.
Qazaqstannyń Ulttyq Banki geosaıası jaǵdaıdyń aıtarlyqtaı nasharlaýy kezinde syrtqy sektor tarapynan táýekelderdiń iske asyrylýyna baılanysty qarastyrylǵan baǵa turaqtylyǵyn qoldaý qajettigine negizdelgen bazalyq mólsherleme deńgeıi jóninde kezekten tys sheshim qabyldady, dep habarlaıdy Almaty-akshamy.kz.
«2022 jylǵy 24 aqpannan bastap bazalyq mólsherleme +/- 1 p.t. paıyzdyq dálizimen jyldyq 13,5% deńgeıinde belgilendi. Tıisinshe, ótimdilikti usyný jónindegi turaqty qoljetimdi operasıalar boıynsha mólsherleme 14,5% jáne ótimdilikti alý jónindegi turaqty qoljetimdi operasıalar boıynsha mólsherleme 12,5%bolady», - delingen Ulttyq bank baspasóz qyzmetiniń habarlamasynda.
Qazaqstan Respýblıkasy Ulttyq Bankiniń ınflásıalyq targetteý sheńberinde júrgiziletin aqsha-kredıt saıasaty el ekonomıkasyna syrtqy kútpegen ózgerister saldarynyń taralýynyń aldyn alýǵa, makroekonomıkalyq turaqtylyqty qamtamasyz etýge jáne teńgedegi aktıvterdi qorǵaýǵa baǵyttalǵan. Ekinshi deńgeıdegi bankter aqsha-kredıt saıasaty quraldarynyń sheńberinde qajetti ótimdilikpen qamtamasyz etilýde.
Qazaqstan Respýblıkasynyń Ulttyq Banki qarjy júıesiniń turaqtylyǵyn qamtamasyz etý úshin shamadan tys qubylmalylyq oryn alǵan kezde valútalyq ıntervensıalar júrgizý quqyǵyn saqtaı otyryp, teńgeniń erkin ózgermeli aıyrbastaý baǵamy rejımin ustanýyn jalǵastyrady. Mańyzdylyǵy syrtqy sektor tarapynan táýekelderdi iske asyrý aıasynda ósken teńgeniń ıkemdi baǵamy altyn-valúta aktıvteriniń saqtalýyn qamtamasyz etýge múmkindik beredi.
Qazaqstan Respýblıkasynyń Ulttyq Banki 2022 jylǵy 24 aqpanda saǵat 13:00-degi jaǵdaı boıynsha 104 mln AQSH dollary somasyna valútalyq ıntervensıa júrgizdi. Osy aptada valútalyq ıntervensıa 137 mln AQSH dollaryn qurady.
Qazaqstan Respýblıkasynyń Úkimeti Qazaqstan Respýblıkasynyń Ulttyq Bankimen birlesip iske asyratyn halyqtyń teńgedegi depozıtterin qoldaý jónindegi sharalar týraly qosymsha habarlanatyn bolady.
Ulttyq Bank ishki aqsha jáne valúta naryqtaryndaǵy jaǵdaıǵa, sondaı-aq álemdik shıkizat naryqtaryndaǵy ahýalǵa úzdiksiz monıtorıń júrgizedi jáne qajet bolǵan kezde qarjylyq turaqtylyqty qamtamasyz etý boıynsha qosymsha sharalar qabyldaıdy.
Qazaqstan Respýblıkasy Ulttyq Bankiniń bazalyq mólsherleme jónindegi kezekti sheshimi 2022 jylǵy 9 naýryzda Nur-Sultan qalasynyń ýaqyty boıynsha 15:00-de jarıalanatyn bolady.