Qazaqstannyń syrtqy saýda aınalymy 2022 jylǵy qańtar-qyrkúıekte 98,4 mlrd dollardy qurady.
Bul 2021 jylǵy qańtar-qyrkúıekke qaraǵanda 35%-ǵa (72,9 mlrd dollar) artyq.
QR eksportynyń nomınaldy kólemi – 63,8 mlrd dollar. Bul 2021 jyldyń 9 aıymen salystyrǵanda 47,5%-ǵa artyq (43,3 mlrd dollar), dep habarlaıdy Almaty-akshamy.kz QazAqparatqa silteme jasap.
ERI esepteýleri boıynsha, QR eksportynyń naqty ósimi negizgi eksporttyq pozısıalardyń baǵasy joǵary bolýyna baılanysty shamamen 2,8-3%-dy quraıdy. Munaıdyń tonnamen jetkizilýi nebári 1,6%-ǵa, eksporttyq túsimder 63,4%-ǵa ósti.
Elder boıynsha eksport:
- Italıaǵa 84%-ǵa, ıaǵnı 11,2 mlrd dollarǵa;
- Qytaıǵa 43%-ǵa, ıaǵnı 10,3 mlrd dollarǵa;
- Reseıge 15%-ǵa, ıaǵnı 5,9 mlrd dollarǵa;
- Nıderlandyǵa 24%-ǵa, ıaǵnı 4,1 mlrd dollarǵa;
- Koreıaǵa 2,9 ese, ıaǵnı 3,6 mlrd dollarǵa;
- Túrkıaǵa 71%-ǵa, ıaǵnı 3,6 mlrd dollarǵa;
- Ózbekstanǵa 36%, ıaǵnı 2,6 mlrd dollarǵa deıin ósti.
2022 jylǵy 9 aıdaǵy QR eksportynyń quny (63,8 mlrd dollar) aldyńǵy 7 jyldaǵy jetkizilimderdiń jyldyq kóleminen asyp tústi. Jyldyq kólemde sońǵy ret ósim 2014 jyly (79,5 mlrd dollar) kóp boldy.