Eldegi iri kompanıalar sıfrlyq ekojúıeni damytýǵa óz úlesterin qosyp keledi.
Qazaqstan BUU-ǵa kiretin 193 eldiń arasynda elektrondyq úkimetti damytý boıynsha 28-orynǵa turaqtady, dep habarlaıdy Almaty-akshamy.kz Finprom.kz saıtyna silteme jasap.
El ındeksi (e-Government Development Index, EGDI) – 0,86. Bul TMD jáne Ortalyq Azıa elderi arasyndaǵy eń joǵary kórsetkish ekenin atap ótý kerek. Budan bólek elimiz Irlandıa, Kanada, Italıa, Belgıa, Chehıa jáne t.b. damyǵan elderdi de basyp ozǵan.
EGDI elektrondyq úkimettiń 3 mańyzdy belgisiniń (onlaın qyzmet kórsetý, telekomýnıkasıa jáne adam áleýeti) jıyntyq kórsetkishin usynady.
Budan bólek Qazaqstan azamattardyń elektrondyq qatysýy reıtıńinde (E-Participation Index, EPI) 15-orynda tur.
Birqatar memlekettik qyzmet túrin Egov.kz portalynda nemese tıisti qosymsha arqyly onlaın-formatta alýǵa bolady. Budan bólek mobıldi qosymshalar arqyly zeınetaqy aktıvterin basqarýǵa (Enpf.kz), «elektrondyq emhanaǵa» qol jetkizýge (Damumed) bolady.
Sonymen qatar sıfrlandyrýǵa qarjy (bankterdiń saıttary men qosymshalary, onlaın-saqtandyrý jáne t.b.), ónerkásip, qurylys, logıstıka, telekom, mádenıet jáne t. b. salalarynyń iri kompanıalary da úles qosyp otyr.
Aqparatqa sáıkes, 2021 jyly elimizde 6 jastan 74 jasqa deıingi Internetti paıdalanýshylardyń úlesi (uıaly baılanysty eskere otyryp) 92,9%-dy quraǵan. Budan bólek aýyldyq jerlerdiń Internetpen qamtamasyz etilýi 90,7% bolsa, qalalarda bul kórsetkish 94,4%-ǵa jetken.
Digital Intelligence Index sıfrlyq evolúsıa boıynsha reıtıńte Qazaqstan sıfrlandyrýdyń damý qarqyny boıynsha 20-orynda tur. Sonymen qatar 2021 jyly DSGI sıfrlyq daǵdylar deńgeıi boıynsha reıtıńte 134 eldiń arasynda 43-orynǵa turaqtady.